سەرکەفتنا جەحشاتی و راستیا بافل تالەبانی
پەیڤا “سیاسەت” ژ کۆکا “سەیس” یا عەرەبی تێ کو تێ واتەیا خوەدیکرن و پەروەردەکرنا ھەسپان. ژ بەر ڤێ یەکێ، سیاسەت د ئەسلێ خوە دە مەسەلەیەکە پەروەردە و رێڤەبەریێ یە.
د سالا 1966ێ دە، کوردان پێناسەیەکە پر گونجاو ل ڤێ پەیڤێ زێدە کرن؛ ژ کەسێن کو ژ ھێلا داگیرکەرێن خوە ڤە تێنە پەروەردەکرن و رێڤەبرن رە، ل شوونا “سیاسەتمەدار”، گۆتن “جەحش”.
چاوا کو پەیڤا سیاسەت ژ بۆ جیھانێ گرینگە، پەیڤا “جاش” ژی ژ بۆ فەرھەنگا سیاسی یا کوردان ب ھەمان رەنگی گرینگە. ھەر گاڤا کو کوردان دخوەست گاڤەکێ بەر ب ئازادیێ ڤە باڤەژن، داگیرکەران ب رێیا “جەحشان” رێ ل بەر وان گرتیە.
ژ سالا 2017ێ ڤر ڤە، بافل تالەبانی ئالا جەحشاتیێ بلند دکە. بافل تالەبانی، یێ کو بەرێ نکاریبوو پێلاڤێن خوە راست ل پێیێن خوە بکە و ب ئوسلوبەکە لێبۆکی دئاخڤی، گەلۆ چاوا د ناڤا 9 سالان دە ل کوردستانێ بوو “سیاسەتمەدار”؟
سەدەم ئەشکەرەیە: ئەنیا دژی کورد د سەدسالا 21ێ دە ھەوجەیی کەسەکی بوو کو وی ل دژی داخوازا ئازادیێ یا کوردان بکار بینە. بافل تالەبانی ژ بۆ پلەیا جەحشاتیێ ناڤێ ھەری گونجاو بوو. ژ بەر کو بافل قەت ل کوردستانێ نەژیا بوو، ب کوردی نەدزانی و د ناڤبەرا ئەلکۆل، قومار و مادەیێن ھشبەر دە ئاسێ مابوو.
مالباتا وی، ب تایبەتی بابێ وی جەلال تالەبانی، ھاتنا وی یا کوردستانێ قەدەغە کربوو و ئەو نێزی کارێن سیاسی یێن یەنەکێ نەدکر. بافل تالەبانی، کو چ تێکلیا وی ب کوردبوون و وەلاتپارێزیێ رە تونەبوو، ژ بۆ بکارئانینێ ئاموورەکە پر ھێسان بوو؛ ژ بەر ڤێ یەکێ ئەو ھاتە خەملاندن، کەملاندن و کرن سەرۆکێ یەنەکێ.
وەکی ھەموو خایینان، ئەو ژی د دەستپێکێ دە تێنە بکار ئانین، تێنە برقاندن و بلندکرن؛ پاشێ دبن خولام و د داویێ دە، دەما کو دەما وان دەرباس بوو، وان دهاڤێژن ناڤ زبلێ دیرۆکێ. بافل تالەبانی نھا د قۆناغا “برقاندنێ” دەیە و سەرکەفتنێن وی یێن دەرەوین وەکی راستی تێنە نیشاندان. لێ د راستیێ دە، بافل تالەبانی پێکەنۆکەکە کو ھەڤسارێ وی د دەستێ ئیران، بریتانیا و ھەر کەسێ کو ل دژی سەرخوەبوونا کوردانە، دەیە. ئەو ل گۆری داخوازا کەسێن کو ھەڤسارێ وی دکشینن تەڤدگەرە.
گەلۆ ئەو سەرکەفتنە کو مرۆڤ بھێلە پێشمەرگەیێن مینا غەزال مەولان ژ رۆژھلاتێ کوردستانێ، ژ بەر ترسا ئیرانێ، ل نەخوەشخانەیێن سلێمانیێ نەیێن دەرمانکرن؟
گەلۆ ما سەرکەفتنە کو یەنەکە ھەموو چاڤکانیێن خوە ژ بۆ دژمناتیا کوردستانێ بکار بینە؟
یێن کو وی بکار تینن ژی باش دزانن کو ئەو کەسەکی بێقەلیتەیە.
د نیسانا 2026ێ دە، لووتکەیا “سەرکەفتنا” بافل تالابانی وەکی کوکلایەکی (پێلیستۆکەکی) دەرکەت پێش. ئەو و مەدیایا وی، رادەستکرنا سەرۆکاتیا ئیراقێ و پارێزگاریا کەرکووکێ دخەملینن و وەکی سەرکەفتنەکێ پێشکێش دکن. تشتێ ھەری خراب کو دکارە ب سەرێ گەلەکی دە وەرە، نۆرمالیزەکرن و تەئۆریزەکرنا خیانەتێیە. یەنەکە و بافل تالابانی نھا ڤی کاری دمەشینن؛ ئەو خیانەتێ وەکی سەرکەفتن نیشان ددن.
لێ ئەم بپرسن: بافل تالابانی، یێ کو کەرکووک سێ جاران فرۆتیە، ل دژی کێ سەرکەفتن ب دەست خستیە؟ گەلۆ ل دژی داگیرکەرێن کوردستانێ؟ نەخێر! بەرەڤاژی ڤێ، ھەر کەسێ کو دژمناتیا کوردستانێ دکە، نھا ژ بافل تالابانی رازییە:
ئیرانا کو دخوازە کوردان بفەتسینە، ژ بافل رازییە.
شیعە و سوننییێن ئیراقی، یێن کو دخوازن ستاتویا فەدەرالا ھەرێما کوردستانێ برووخینن، ژ بافل رازی نە.
رەیان کلدانی، یێ کو کوردان وەکی دژمن دبینە و دبێژە “ئەمێ کوردان ژ دەشتا نینەوایێ دەرخینن”، ژ بافل پر رازییە.
دەولەت باخچەلی، یێ کو پشتی 89 سالان ب گۆتنا “کەرکووک یا ترکانە” تایینکرنا پارێزگارێ ترکمەن پیرۆز کر، ژ بافل رازییە.
بریتانیا و ھن لۆبیێن رۆژئاڤایی، یێن کو ژ ھێزا کوردان دترسن و ئیراقێ ژ بۆ بەرژەوەندیێن خوە بکار تینن، ژ بافل رازی نە.
فیدل کاسترۆ دبێژە: “گەر دژمنێن تە پەسنێ تە بدن، ئەڤ تێ ڤێ واتەیێ کو بێشەرەفیەک (بیژاتییەک) د تە دە ھەیە.” ئەرێ، بێشەرەفیەک مەزن د ھەلوەستا بافل تالابانی دە ھەیە. یێن کو وی بکار تینن، کەساتییا وی خورت دکن، لێ گاڤا دەم ھات، ئەوێ د گاڤا یەکەم دە وی بپەرچقینن.
بافل تالابانی نھا “فاحیشەیەکی سیاسی”یە کو ژ ھێلا ھەر کەسی ڤە تێ بکار ئانین دا کو ھەرێما کوردستانێ قەلس ببە. دیرۆکا سیاسی نیشانی مە دایە کو جەحش چ جاران ب سەر ناکەڤن. ل کو دەرێ جەحش ب سەر بکەڤن، ملەتێ کورد وندا دکە. د ئەنجامێ دە، جەحش دچن دۆژەھا کەران.
فاحیشەیێن سیاسی ب سەر ناکەڤن؛ ئەو تەنێ د رووپەلێن رەشێن دیرۆکێ دە، ل کێلەکا بێروومەتان جھ دگرن. تشتێ کو بافل تالابانی و مەدیایا وی وەکی سەرکەفتن پێشکێش دکن، د راستیێ دە بلندبوونا جەحشاتیێ و فاحیشەتیا سیاسییە. لێ بلا ھەر کەس زانبە: ھلوەشین و تێکچوونا وان نێزیکە.
