ھەیئەتا ئیمرالیێ و دەڤلەت باھچەلی جڤیان

ھەیئەتا ئیمرالیێ یا پارتیا گەلان يا وەکھەڤی و دەمۆکراسیێ (دەم پارتی)، سەرۆکێ گشتییێ مه‌هه‌پێ دەڤلەت باھچەلی ل ئۆدەیا وی یا ل پارلامەنتۆیا ترکیەیێ زیارەت کر.

د جڤینا کو ژ راگھاندنێ رە گرتی ھات کرن دە، ئالیکارا سەرۆکێ پارلامەنتۆیا ترکیەیێ و پارلامەنتەرا وانێ یا دەم پارتیێ پەرڤین بولدان، پارلامەنتەرێ رھایێ یێ دەم پارتیێ میتھات سانجار و پارێزەر فایک ئۆزگور ئەرۆل بەشدار بوون.

جڤینا کو دەمژمێر 12:00ان دەست پێ کر نێزیکی 40 دەقەیان ئاژۆت.

باھچەلی ھەیئەتا دەم پارتیێ ل بەر دەریێ ئۆدەیا خوەیا خەباتێ پێشوازی کر. پشتی ھەڤدیتنا کو نێزیکی 40 دەقەیان ئاژۆت، جڤین ب داوی بوو.

ناڤەرۆکا ھەڤدیتنێ نەھات ئەشکەرەکرن

ل سەر ناڤەرۆکا جڤینێ ژ ئالیێ ھەر دو ئالیان ڤە ت داخویانیا فەرمی نەھات دایین.

لێ تێ تەخمینکرن کو د جڤینێ دە ل سەر بپێشکەتنێن سیاسی یێن ل ترکیەیێ، پێڤاژۆیا چارەسەریێ و پێشنیاریاسایا چارچۆڤەیێ یا کو تێ گۆتن دێ ل پارلامەنتۆیا ترکیەیێ وەرە گۆتووبێژکرن، بیر و را ھاتنە گوھەرتن.

ئەندامێن ھەیئەتا ئیمرالیێ یا دەم پارتیێ دوھ ژی ل گەل ئالیکارێ سەرۆکێ گشتییێ ئاک پارتیێ ئەفکان ئالا جڤیابوون.