ته‌ڤگه‌را په‌كه‌كێ، ب هه‌زاران جوانێن كوردان بێی سووچ ب توهمه‌تێن جور ب جور گوللـه‌باران كرنه، یێك ژێ ئه‌ڤ جوانێ ژ عه‌فرینێ یه كو سه‌رپێهاتییا وی بێئه‌خلاقییا هه‌ری مه‌زن یا په‌كه‌كێ نیشان دده.
گه‌ریلایێن كو په‌كه‌كێ ئه‌و ب بێی سووچ ئیدام كرنه نایێن هه‌ژمارتن، ڤێ ته‌ڤگه‌رێ ل ژێر سووجێن وه‌كه “ئاژان، خایین، هه‌ڤكار و دزیێ” سه‌دان كه‌چ و خورتێن كوردان كوشتنه. پشتره ئه‌و وه‌كه شه‌هید ژ مالباتێن وان ره هاتنه فرۆتن.
ئیرۆ شاندنا جەنازەیێن مرۆڤێن کو ڤێ ته‌ڤگه‌را دژه كورد د سالێن به‌رێ ده وێ ب خوه ئیدام کرنە ژ بۆی مالباتێن وان ده‌وام دكه، ئه‌ڤ یێك رووره‌شی و خه‌رابییا هه‌ری مه‌زنا دیرۆكا ته‌ڤگه‌را په‌كه‌كێ ئیفشا دكه.
«مورات ئولگەن» ب كۆدناڤێ شیار جوانه‌كی كوردێ ژ عه‌فرینێ بوو، ل ئادارا سالا 1993ان ده‌ما كو ئه‌و 24 سالی بوو د ناڤا په‌كه‌كێ ده بوو.
وی ل چیایێ ئەنگیزەکێ یێ ل مه‌ره‌شێ كو رێزەچیایەکه ل نێزی گورگومێ یا ل باكورێ كوردستانێ یه، بێی کو ئەفسەرێ لۆژیستیکێ ئاگاھدار بکە، نیڤ کیلۆ شەکر خست ناڤ چەنتەیێ خوە.
ته‌ڤگه‌رێ ئه‌و ب سووچا دزینا شه‌كرێ ئیدام کر. ژ بۆ نیڤ کیلۆ شەکر ئەو قةتل كر. پشتی سالا 2010ان، په‌كه‌كێ مرنا وی وەکی شەھید ژ مالباتا وی رە راگھاند.
دەما کو مرۆڤ ڤێ سه‌رپێهاتیێ دبهێزه و ڤان بوویەرێن دل ب ئێش فام دکە، ب راستی ژی مرۆڤ ماتمایی دمینە.
ئەڤ سووجەک پڕ بێ بێەخلاقییە، ئه‌ڤ ئاستا هه‌ری به‌رز ئا بێ شەرمییا د ته‌ڤگه‌را په‌كه‌كێ ده یه، کو ل جه‌م وێ نرخا ژیانا جوانه‌كی کورد نیڤ کیلۆ شەکر ژی نەبوو.
ئەڤ نیشان ددە کانێ چاوا ڤێ ته‌ڤگه‌را كوردكوژ ب ناڤێ «شۆرەش و ئازادیێ» ب ھەزاران كه‌چ و خورتێن كوردان یێن بێگونەھ خاپاندنه و ئەو کرن قوربانیێن پەرگالەک دیکتاتۆری و تاری، کو تێ دە جوان ل سەر تشتەک ئەوقاس پچووك «وەک نیڤ کیلۆ شەکر» ژیانا وی ژێ وه‌ره ستاندن!
مخابن، دیرۆکا ڤێ تەڤگەرێ پڕی ئه‌ڤ چیرۆکێن تراژیک و ڤەشارتییە، جوانێن كوردان یێن بێگونه ب سالێن دوور و درێژ ئه‌ڤ ئێش، ئه‌ڤ زولم ژیان كرن، لێ داییك و بابێن وان ژ راستییا کو زارۆکێن وان ژ ھێلا رەقیبێن خوە ڤە ب تۆھمەتێن دەرەو ھاتنە کوشتن و دووڤ رە وەکی شەھید ژ مالباتێن خوە رە ھاتنە فرۆتن ده‌ره‌نگ فێر بوون.
ب راستی ئەڤ بێەخلاقییا ھەری مەزن و خەتەرناکا د دیرۆکا ڤێ ته‌ڤگه‌رێ دە یە.
