په‌كه‌كێ مرنا ب سه‌دان جوانێن رۆژهلاتا كوردستانێ ڤه‌شارتییه‌

PKK-Meriwan-7-net

په‌كه‌كه‌یا هلوه‌شیایی هه‌ر ل ناڤبه‌را دو رۆژان جاره‌كێ ناسنامه‌یا ره‌فه‌كا جوانێن رۆژهلاتا كوردستانێ رادگهینه‌، جوانێن كو 20 سالان رێخستنێ ئه‌و دا نه‌ كوشتن و مرنا وان ڤه‌شارتی هشتییه‌.

ئیرۆ رۆژا سێشه‌می 17 مژدارا 2026ان، په‌كه‌كێ ناسنامه‌یا 7 جوانێن دن یێن مه‌ریوانێ ئاشكه‌ره‌ كرن كو ئه‌و ژی 15 سالان به‌رێ جانێ خوه‌ ژ ده‌ست دا نه‌ و په‌كه‌كێ مرنا وان ڤه‌شارتی هشتبوو.

ناڤێن وان ووسایه‌:

موجته‌ما عه‌بدولره‌حمان.

مسلم عه‌بدولكه‌ریم.

سه‌نا عه‌تا.

سالم سابر.

عه‌دنان مه‌حموود.

شاهد موحسن.

زانا ناسر.

په‌كه‌كێ ناسنامه‌یا ڤان جوانان ئیلان كر و د په‌سنێ وان ده‌ گۆتییه‌ ئه‌و ملیتانێن مه‌ یێن ئاپۆیی بوون، خوه‌ فه‌دایێ ئاپۆ كرن.

ئه‌ڤ گه‌را پێنجه‌مین یا ناسنامه‌یێن شه‌رڤانێن رۆژهلاتا كوردستانێ یه‌ كو په‌كه‌كه‌یا هلوه‌شیایی ژ هه‌فته‌یا رابووری ڤه‌ ئیفشا دكه‌ كو هنه‌ك ژێ یێن سالا 2007ێ نه‌.

موراد قارایلان رێڤه‌به‌رێ په‌كه‌كێ ده‌ربارێ ده‌ره‌نگ ئیلانكرنا ناڤێن شه‌هیدان گۆتبوو: ئاگاهی ده‌ره‌نگ گهیشتن مه‌، شه‌ر گران بوو، هایا مه‌ نه‌بوو كو هه‌ڤالێن مه‌ وه‌ندانه‌!!.