ترافیكه‌كا جددی یا هه‌ڤدیتنان ل ناڤبه‌را ده‌وله‌تێ و ئیمرالیێ ده‌ستپێكرییه‌

imrali-turkey-net

ھەڤسەرۆکا گشتی یا دەم پارتیێ تولای ھاتیمۆگوڵار ل سەر ده‌نگۆیێن ھەڤدیتنا ب رێبەرێ په‌كه‌كه‌یا هلوه‌شیایی عه‌بدوللا ئۆجالان رە داخویانی دا.

تولای ھاتیمۆگوڵاریێ ژ ئاژانسا مەزۆپۆتامیایێ رە ئاخڤی و پرسێن ل سەر ھەڤدیتنێن ب عه‌بدوللا ئۆجالان رە بەرسڤاندن.

ھەڤسەرۆکێ گشتییێ دەم پارتیێ تونجەر باکرھان بەرێ گۆتبوو، “ترافیکەکە جددی یا ھەڤدیتنان ھەیە”.

ھاتیمۆگوڵاریێ ل سەر ڤێ گۆتنێ دیار کر کو ئەڤ تەڤگەر د ناڤبەرا دەولەت و ئیمرالیێ دەیە و گۆت: “ئەو ترافیک د ناڤبەرا دەولەت و ئیمرالیێ دەیە. ئەو تەڤگەرەکە ل دەرڤەیی دەم پارتیێ یە لێ وەکی دەم پارتی وەکی کو من گۆت، شاندەیا مە ھین نەچوویە ور”.

تولای ھاتیمۆگوڵارێ ل سەر پرسا کا د ناڤبەرا وان و عه‌بدوللا ئۆجالان دە پێوەندی چێبوویە یان نا وھا گۆت: “شاندەیا ئیمرالیێ یا دەم پارتیێ ژ وێ دیرۆکا کو بەحسا وێ تێ کرن و ڤر ڤە ھین نەچوویە گراڤێ، لێ د ناڤبەرا مەکانیزمایێن تەڤگەر و دەولەتێ دە ب ئیحتمالەکە مەزن ھەڤدیتن ھەنە و ئەو بەردەوام دکن. ئەز د وێ باوەریێ دە مە کو ئەڤ ھەڤدیتن نەھاتنە راوەستاندن”.