بووبێ ئەسەر
بەری کو ئەم رەوشێ بنرخینین دڤێت ئەم ل گۆتنێن عەڤدللا ئۆجالان بنێرێن کو د بن وان دە چ داخوازان دکە.
عەڤدللا ئۆجالان د گۆتنا خوە یا د رۆژا 28ێ نیسانا 2026ێ دە وەھا دبێژە: “وەکە پەروین خانمێ ژی گۆتیە کو دڤێت پێشیا ملەتپەروەرێن کورد بێ گرتن و دڤێت ژ نوو دە ژ برێخستنیا وان رە دەستوور نەیێ دایین”.
دەما عەڤدللا ئۆجالان ل سووریێ بوو ژی وەھا گۆتبوو: “ھەتا کو ئەز و پەکەکە ئەم ھەبن دێ بارزانی نکاربە دەولەتا کوردی دامەزرینە.”
یالچین کووچک ژی وەھا گۆتیە؟
“حاکم بەگ، پاشناڤێ من بچووکە لێ ئەز کارێن مەزن ژ بۆنا دەولەتا خوە دکم. سبە دێ وان گەریلایێن قاشۆ ژ بۆنا کوردستانێ شەر دکرن، دێ ببن پارێزڤانێن گەلێ ترک و دێ د بەر کۆمارا ترک دە خوە بدن کوشتن.”
ئەڤ ئۆپەراسیۆنا نھا ل سەر رێڤەبرێن ھەڤبەندییێ ژی ب مە ددە زانین کو دەولەت و عەڤدللا ئۆجالان ب ھەڤرا ئەڤە ئۆرگانیزە کرنە.
ژ بەر ڤێ گرینگ و پێویستە ھەمی کوردێن ژ وەلاتێ خوە، ژ کوردستانا شرین حەز دکن، دڤێت ب یەک ھەلوەستێ ل دژ ڤێ دەستدرێژیا ل سەر ھەڤبەندییێ راوەستن. ل قادا شێخ سەعید بجڤینن، بێ کو تشتەکی بێژن روونێن و تەنێ ب نڤیساندن بێژن، “ئەم داخوازا کەسێن کو ھاتنە گرتن، بێنە ئازاد کرن، دکن”.
ژ نھا و پێڤە دڤێت کورد ڤێ باش بزانبن کو ئێدی عەڤدللا و دەولەت ب ھەڤرەنە دا کو پێشی ل وەلاتپارێزن کورد بگرن کو ئەو خوە ب رێخستنی نەکن.
ھەگەر مە ھێژ ئەڤ فێم نەکربن، ئەڤ تێ وێ واتەیێ کو مە ژ سیاسەتا کوردستانێ ژی تشتەک فێم نەکرنە… ل دیرۆکا عەڤدللا و گۆتنێن وی بنێرن…
دامەزراندنا پەکەکێ یەک ژێ ئەو بوو کو ل سەر دەستێ وێ جوانێن کورد بێنە کوشتن، تالانی و وێرانی ببە پارا کوردان. کورد ژ وەلاتێ خوە دەرکەڤن. ل کوچە و کۆلانێن باژارێن ترکیێ ببن کۆچبەر.
پرانیا داخوازێن دەولەتا ترک ل سەر دەستێ پەکەکێ پێک ھاتن. لێ دیسا دەولەت و پەکەکە ب سەرنەکەتن. دیتن و دبینن کو وەلاتپارێزێن کوردستانێ خوە ژ نوو دە ب رێخستنی دکن. دخوازن کارێن ژ بۆنا ئازادیا کوردان ب ھەڤرە بمەشینن.
رێخستن و پارتیێن کوردستانی ھاتن با ھەڤ، ب ناڤێ ھەڤبەندییێ خوەستن ب ھەڤرە ژ بۆنا داخوازێن ملەتێ خوە یێ رەوا د وارێ دەمۆکراتیک دە کار بکن. لێ ئەڤ ژی ب خوەشا عەڤدللا نەچوو لۆما دەولەت ئاگاھدار کر کو ھێژ ئەڤ ھەڤبەندی د دەستپێکێ دەیە، تونە بکە.
ھەگەر ئیرۆ عەڤدللا ب رێیا دەولەتێ ڤێ دکە. ھوون باوەر بکن سبە دێ وان گەریلایێن ل سەری چیایان، ئەندام و رێڤەبرێن پەکەکێ ھەمی دێ ببن پارێزگەرێ دەولەتا ترک کو ئێدی ئەو ب خوە تەڤگەر و بەرخوەدانێن باکورێ کوردسانێ تێک ببن.
ئیرۆ کو ڤێ ب دزی دکن. تەنھا ل سەر گۆتنێن عەڤدللا یە. لێ سبە دێ ب ئاوەیەکی ئەشکەرە گەریلا چەکێن دەولەتێ ھلگرن. ئێدی دێ بەرێ خوە دن کوردێن وەلاتپارێز. کی دۆزا کوردسانێ بکە دێ ژ لایێ وان ڤە هێنە گولەبارانکرن.
ھەگەر ژ نھا دە کوردێن ژ وەلاتێ خوە حەز دکن، ڤێ نەبینن دێ سبە گەلەکی دەرەنگ بە. ژ بەر کو پرۆژەیا پەیمانا لۆزانێ ئەو بوو کو د ناڤا سەد سالان دە کوردان بکن ترک، ھەگەر ڤێ نەکن، کورد دکارن ئازادی و سەرخوەبوونا خوە ب دەست بخن.
پەیمان قەدیایە. لۆما ژ بۆنا ل باکورێ کوردستانێ کورد تشتەکی ب دەست نەخن، چ لازم بە دێ وێ بکن. دڤێت ئەم کورد ژی ل گۆر وێ ب ھەڤرە تەڤبگەرین. ھەگەر د ڤردە کورد ب ئاقلانە تەڤنەگەرن ھەتا سەد سالێن دن، دێ کورد وەکە کورد نەمینن. ئەم ژی دێ ببن وەکە، لاز، چەرکەز و کێمنەتەوەیێن کو ترکان ئەو کرنە ترک.
لۆما دڤێت ھەمی کورد ل سەر گرتنا رێڤەبرێن ھەڤبەندییێ بفکرن کو ئەڤ نە تەنێ گرتنا کادرۆیێن وێ نە. ئەڤ ب مە ددە زانین کو دڤێت کورد ئێدی بێدەنگ بن. عەڤدللا ئۆجالان چ گۆت وێ بکن.
دێ کاربدەستێن دەولەتێ ترک کو ژ عەڤدللا راوێژکاریێ وەدگرن، سبە کوردان روو ب روویێ خەتەریێن مەزنتر بکە. گرتنا ئەندامێن ھەڤبەندییێ دەستپێکەکە. سبە دێ ئافات و فەلاکەتن مەزن هێنە سەرێ مە و ملەتێ مە.
ھا ئەم دێ چ بکن؟
دڤێت دەستپێکێ کورد ببن خوەدی تەمسیلەکا نەتەوەیی. دڤێت ل سەرانسەرێ ئەورۆپا کورد د وارێ دیپلۆماسیێ دە خورت بن کو دۆزا گەلێ خوە ب وان بدە زانین کو ئارمانجا سیاسەتمەدارێن گرتی دێ ل ڤر نەقەدە…
رۆژێن خەتەر ل پێش مە نە، لۆما دڤێت ئەم ھەمی شیار بن.