p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
سه‌رانێن ینكێ د مژارا به‌ستنا كۆنگره‌ی ده ل هه‌ڤ نه‌كرن
پۆلیتبیرۆ ئا یه‌كیتیا نشتیمانی ئا كوردستانێ ئیرۆ جڤییا، لێ سه‌رانێن وێ جاره‌كه دن ل هه‌ڤ نه‌كر و تو ژڤانه‌ك ژبۆ به‌ستنا كۆنگره‌یا چاره‌مین نه ئانی زمان.
ئیرۆ ل ناڤه‌ندا باژارێ سلێمانیێ كو ب زۆنا كه‌سك تێ ناسكرن، پۆلیت بیرۆ ئا ینكێ جڤینا خوه ئا ئاسایی ب سه‌رپه‌رشتی ئا كۆسره‌ت ره‌سوول ئه‌لی، جێگرێ سه‌كرته‌رێ گشتی ئێ وێ پارتێ و هازربوونا به‌رهه‌م سالهێ جێگرێ دووه‌مین، ل دارخست.
ینكێ ئه‌ڤ جڤین ژبۆی دیاركرنا ژڤانا به‌ستنا كۆنگره‌یا چاره‌مین سازكربوو، لێ سه‌رانێن وێ وه‌كه هه‌رجار لهه‌ڤ نه‌كر و نه‌كارین ژڤانێ به‌ستنا كۆنگره‌یا خوه دیار بكه‌ن.
ئه‌ندامێن پۆلیتبیرۆ ئا ینكێ، د مژارا كۆنگره‌ی ده، ته‌نێ ئاماده‌كاری گۆتوبێژ كرن، لێ به‌لێ ده‌ما به‌ستنێ د رێده هێلا.
پشتره ئه‌ندامێن پۆلیتبیرۆ ئا ینكێ كارێن هوندر یێن پارتا خوه گۆتوبێژ كرن، هه‌روه‌ها كارێن هكوومه‌تێ نرخاندن، ته‌كه‌زی ژی ل بجیكرنا ته‌ماما لهه‌ڤهاتنا دگه‌ل پارتا دمۆكرات ئا كوردستانێ كر.
ینكێ د جڤینا خوه دا به‌هسا ئاماده‌كاری و به‌رهه‌ڤیێن هلبژارتنێن ئه‌نجوومه‌نێن پارێزگه‌هییان ژی كر كو ژڤانه ل یه‌كی نیسانا 2020ان ده بهێن كرن و داخوه‌یا كرن، ئه‌و وێ ته‌كه‌زیێ ل به‌شدارییا ته‌ڤ ئالیێن سیاسی ئێن كوردستانی د وێ هلبژارتنێ ده كه‌ن، ب ئاوایه‌كی كو ب لیسته‌ك یه‌كگرتی به‌شدار ببن، نه‌خاسمه ل ناڤچه‌یێن كێشه ل سه‌ر.
