وه‌زاره‌تا به‌ره‌ڤانیێ ئا ئه‌مه‌ریكایێ راگهاند، دانیمارك وێ له‌شكران بشینه باكوورێ رۆژهه‌لاتا سووریێ.
جۆناتان هۆفمان، به‌رده‌ڤكێ پێنتاگۆنێ دبێژه: ئه‌مه‌ریكا پێشوازیێ ل بریارا هكوومه‌تا دانیماركێ ئا شاندنا له‌شكران بۆ سووریێ دكه، ئه‌و له‌شكر وێ پشته‌ڤانیێ ل هه‌ولێن هه‌ڤپه‌یمانی ئا ناڤده‌وله‌تی ل سووریێ بكن.
به‌رده‌ڤكێ پێنتاگۆنێ داخوه‌یا كرن، ئه‌و له‌شكرێن دانیماركی وێ بگه‌هن جهێن له‌شكری ئێن ئه‌مه‌ریكی ل باكۆرێ رۆژهه‌لاتا سووریێ، ب مه‌ره‌ما پاراستنا ئه‌وله‌هی و ئارامی ئا ناڤچه‌یێ.
هه‌ڤپه‌یمانییا ناڤده‌وله‌تی ژ پێتری 65 وه‌لاتان پێكتێ و ژبۆ به‌رهنگاربوونا دائیشێ ل ئیلۆنا سالا 2014ان ده هاتبوو ئاڤاكرن.
