p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
بارزانی دگه‌ل وه‌زیرێ كارێن ده‌رڤه ئێ هندستانێ جڤیا
سه‌رۆكێ پارتا ده‌مۆكراتا كوردستانێ ئیرۆ پێشوازیا “ڤێرماڤالی مۆرالی دەھاران” وەزیرێ دەولەتا هندستانێ ئێ کاروبارێ دەرڤە و پارلەمەنێ و شاندا پێره کر.
ل ھەڤدیتنێ دە وەزیرێ دەولەتا هندستانێ ئێ کاروبارێ دەرڤە و پارلەمەنێ پێزانینێن خوە ژ بۆ قوربانیدانا گەلێ کوردستانێ ل شەرێ دژی تەرۆریستان راگھاند و ژ بلی بالکشاندنا ل سەر وێ یەکێ کو ب باشی ل ئێش و ئازارێن گەلێ کوردستانێ گھیشتی، شادبوونا خوە ژی ب وێ پێشڤەچوونا کو ل وارێ گەشبوونا سیاسی و ئابووری و جڤاکی ئا ل ھەرێما کوردستانێ دا پێکھاتیە نیشاندا کو ل سەر رێیەکی درستە ژی.
وەزیرێ هندستانێ، ئارمانجا سەردانا خوە ئا ھەرێما کوردستانێ ژ بۆ سەرۆک بارزانی شیرۆڤە کر و داخواز کر کو تێكلیێن د ناڤبەرا وەلاتێ وان و ھەرێما کوردستانێ ل وارێ چاندی، تەندروستی و بازرگانی دە بێ پێشخستن.
ل ڤێ ھەڤدیتنێ دە سەرۆک بارزانی، سپاسی وەزیرێ دەولەتا هندستانێ و شاندا پێره کر و گەلێ هندستانێ ب گەلەکی مەزن و خوەدی دیرۆک وەسف کر.
ھەر وھا “مەھاتما گاندی” ژی ب چاڤکانیا ئیلھاما گەلێن ئازادیخواز و رزگاربوونا ژ کەدخواری و چەوساندنێ دا زانین، سەرۆک بارزانی شادبوونا خوە ژی ژ بۆ پێشخستنا تێكلیێن د ناڤبەرا ھەرێما کوردستانێ و وەلاتێ هندستانێ ده نیشان دا.
ھەر ل ڤێ ھەڤدیتنێ دە گەفا تەرۆرێ و ھزرا توندییا ل سەر ئاساییشا جیھانێ ھات گۆتوبێژ کرن و تەکەز ل سەر ھەماھەنگیا ناڤدەولەتی و جیھانی ئا رووبرووبوونا تەرۆرێ کر.
