نەتەوێن یه‌كبوویی ئه‌شكه‌ره كر كو نێزی 10 ملیۆن هه‌موه‌لاتی ئێن سووریێ، ل وان ناڤچه‌یان ژیانێ دكن كو پری مین و بۆمبه‌یێن نه‌ته‌قیایی نه.
ستێفان دۆجاریك، به‌رده‌فكێ سه‌كره‌ته‌رێ گشتی ئێ نه‌ته‌وێن یه‌كبوویی، ئیرۆ رۆژا چارشه‌می ره‌وشا هه‌ری داوی ئا سووریێ ئینا زمان و هنه‌ك ئامار ئه‌شكه‌ره كرن كو ل گۆر وان ئاماران، نێزی 10 ملیۆن مرۆڤێن سووریێ، ل وان ناڤچه‌یان ژیانی دكن كو پری مین و بۆمبێن نه‌ته‌قیایی نه.
به‌رده‌فكێ نه‌ته‌وێن یه‌كبوویی، به‌هس دكه كو ب سه‌ده‌ما جه‌نگا هوندر ئا سووریێ، ل رۆژێن ده‌رباس بووی 15 هه‌موه‌لاتی هاتنه كوشتنێ و 8 بریندار بوونه.
ئه‌ڤ گۆتنێن دۆجاریك د پرێسكۆنفه‌ره‌نسه‌كێ ده هاتنه، هه‌ر وها وی رژێما سووریێ و ئالی ئێن شه‌ر، ره‌خنه كرن كو رێ ب تیمێن ئه‌وله‌كاریێ نادن ئالیكاریا هه‌موه‌لاتی ئێن زرار به‌ركه‌تی بكن.
