سەرۆکێ پارتیا بزاڤا نەتەوەیی (مەھەپێ) دەولەت باخچەلی، د جڤینا ھەفتانەیا فراکسیۆنا پارتیا خوە دە ل پارلامەنا ترکیەیێ، داخویانیێن نوو و گرینگ دەربارێ پێڤاژۆیا چارەسەریێ دە دان رۆژەڤێ. باخچەلی دەستنیشان کر کو گاڤێن د ڤێ چارچۆڤەیێ دە تێن ئاڤێتن دێ ب بریارداری و جدیەتەکا مەزن بەردەوام بکن و تەکەز کر کو ئەو دێ د دەمەکێ کورت دە ئەنجامێن بەربچاڤ ب دەست بخن.
باخچەلی د ئاخافتنا خوە دە بال کشاند سەر رۆلا پێڤاژۆیا چارەسەریێ و دیار کر کو ئەڤ پرۆسە نیشانەیا ئیرادەیا یەکیتیا نەتەوەیی و پێنگاڤا ئاڤاکرنا شارستانیەکا نوویە کو ناڤەندا وێ ترکیەیە. سەرۆکێ مەھەپێ ئانی زمان کو ئەڤ ھەولدانێن سیاسی یێن کو ب ئیرادەیا ئازاد یا ملەتی تێنە مەشاندن، دبنە سەدەما ترسا وان ئالیێن کو دخوازن سەردەستیا خوە ل ھەرێمێ فەرز بکن و ترکیەیێ لاواز بکن.
دەولەت باخچەلی دەستنیشان کر کو تەڤی ھەموو ھەولدانێن پرۆڤۆکاتیف و زەختێن ئابۆری، سیاسی و ئەولەھی ێیێن کو ئارمانجا وان تێکدانا ئارامیێ یە، ئەو ژ رێیا خوە پاشڤە گاڤ ناهاڤێژن. وی تەکەز کر کو ملەتێ ترک و دەولەت د ڤێ بریارێ دە یەکگرتی نە و گۆت: “گاڤێن ژ بۆ پێڤاژۆیێ دێ ب جدیەت، دلسۆزی و بریارداری هێن ئاڤێتن و ئەم گەلەکی باوەرن کو د دەما ھەری کورت دە ئەنجامەک ئەرێنی ب دەست بخن.”
