پارله‌مه‌نا كوردستانێ وێ به‌هسا ره‌فه‌راندۆمێ بكه‌

پارله‌مه‌نا كوردستانێ،وێ سبه‌ رۆژا چارشه‌مێ وێ جڤینه‌كێ ل دارخه‌ و تێده‌ سالڤه‌گه‌را دویه‌مین ئا ره‌فه‌راندۆما سه‌رخوه‌بوونا كوردستانێ، وێ وه‌ره‌ ل بیر ئانین.

هه‌یئه‌تا سه‌رۆكتیا پارله‌مه‌نا كوردستانێ د به‌یانه‌كه‌ نڤیسیكی ده‌ دیاركر، سبه‌ رۆژا چارشه‌می كو دبه‌ 25 ئیلۆنێ، جڤینا دویه‌مین ئا وه‌رزێ پائیزی ئێ یاسادانینێ وێ وه‌ره‌ ل دارخستن.

ل گۆری به‌رنامه‌یا كار، ل ده‌ستپێكا جڤینێ، سه‌رۆكا پارله‌مه‌نا كوردستانی وێ گۆتاره‌كێ ب هه‌لكه‌فتا ده‌رباس بوونا 2 سالان ل سه‌ر ره‌فه‌راندۆما سه‌رخوه‌بوونا هه‌رێما كوردستانێ پێشكێش بكه‌.

د جڤینا سبه‌ ده‌، پارله‌مه‌نا كوردستانێ وێ بزاڤێ بكه‌ سه‌راستكرنا په‌یره‌وا خوه‌ ئا هوندر ب په‌ژرینه‌.

ل 25 ئیلۆنا سالا 2017ان، گه‌لێ هه‌رێما باشوورێ كوردستانێ، دگه‌ل گه‌لێ كورد ئێ ناڤچه‌یێن كوردستانی ئێن ده‌رڤه‌ی ئیداره‌یا هه‌رێمێ، ده‌نگ ژبۆ سه‌رخوه‌بوونێ دان، 92.7% ژ وان، سه‌رخوه‌بوون و جودابوونا ژ ئیراقێ خوه‌ستن.

لێ به‌لێ هكوومه‌تا فه‌ده‌رال ئا ئیراقێ، وه‌لاتێن هه‌ڤسۆ و هه‌ر وها پرانیا هه‌ژماره‌كه‌ وه‌لاتێن ئه‌ورۆپا و جیهانێ، ئه‌ڤ ره‌فه‌راندۆم قه‌بوول نه‌كرن و خوه‌ستن ئه‌نجاما وێ وه‌ره‌ ره‌ش كرن، ره‌وشا هه‌رێما باشوور هه‌ری خراب و خه‌ته‌ر كه‌ت، دوڤدا بوویه‌رێن 16 ئۆكتۆبه‌رێ چێبوون و باندۆرا وێ ل ره‌وشێ پر مه‌زن بوو.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg