جه‌ندرمه‌یان ئۆپه‌راسیۆن برن سه‌ر ماله‌كێ ل تاخا دێركێ
پارتا كاركه‌رێن كوردستانێ په‌كه‌كێ زراره‌كا دن ل باكوورێ كوردستانێ دیت، ئارته‌شا تركیێ هنه‌ك گه‌ریلایێن دن ل مێردینێ به‌رته‌ره‌ف كرن.
پارێزگه‌هیا مێردینێ د به‌یانه‌كه نڤیسكی ده ئه‌شكه‌ره كر، ئیرۆ رۆژا شه‌می فه‌رمانداری ئا جه‌ندرمه‌یان ئۆپه‌راسیۆن برن سه‌ر ماله‌كێ ل تاخا دێركێ و د شه‌ر و په‌ڤچوونێ ده، 2 گه‌ریلا جانێ خوه ژده‌ستدا.
ئه‌شكه‌ره كر، هنه‌كی سیلاهـ و جبلخانه ئێن گه‌ریلایان هاتن گرتن كو ژ (تڤنگەک، دەبانچەیەک، 2 بۆمبەیێن دەستان، 3 تڤنگێن نێچیرێ، 202 گولله، 2 رادیۆ و 2 پانەلێن ڤەژەنا تاڤێ) ھاتن گرتن.
ھات دەستنیشانکرن کو ژ بۆ كو هه‌موەلاتی ب ئەولەھی ژیانا خوە بدۆمینن ئۆپەراسیۆنێن دژی ئەندامێن په‌كه‌كێ وێ ب بریارداری دەوام بکن.
پارێزگه‌هیا مێردینێ به‌هس كرنه كو په‌ڤچوون د ناڤبه‌را جه‌ندرمه و گه‌ریلا ده‌ركه‌ت هولێ، لێ به‌لێ خوه‌یا نه‌كر كانێ چ زراره‌كه جانی ب جه‌ندرمه‌یان كه‌تنه.
