باله‌فرێن جه‌نگی پەکەکێ ل سینۆرێ شێلادزێ بۆردۆمان دكه‌

باله‌فرێن جه‌نگی PKK ل سینۆرێ شێلادزێ بۆردۆمان دكه‌

د ئێریشێ ده‌ په‌كه‌كێ 7 گه‌ریلا ژ ده‌ستدانه‌

باله‌فرێن جه‌نگی ئێن تركیێ، ئیرۆ ئێریشه‌كه‌ ئاسیمانی ل دژی په‌كه‌كێ ل هه‌رێما باشوورێ كوردستانێ پێكئانین، وه‌ختا كو ناڤه‌ند و هه‌ره‌كه‌تێن گه‌ریلایان، ل سینۆرێ ناڤچه‌یا شێلادزێ بۆردۆمان كرن، وه‌زاره‌تا پاراستنا نه‌ته‌وه‌ئی ئا تركیێ ژی دبێژه‌: 7 گه‌ریلا هاتنه‌ به‌رته‌ره‌ف كرن.

ل گۆری هنه‌ك زانیاریێن تایبه‌ت كو ب ده‌ست داركا مازیێ كه‌تنه‌، ئیرۆ رۆژا دوشه‌می 30/9/2019 ل سات 11:30 سبێ، باله‌فرێن جه‌نگی ئێن ئارته‌شا تركیێ، ئێریشه‌كه‌ به‌فره‌هـ كرنه‌ سه‌ر گه‌ریلایێن په‌كه‌كێ و هه‌ركه‌تێن وان ل گوندێ ب ناڤێ سیدان ئێ گرێدای ناڤچه‌یا شێلادزێ بۆردۆمان كرنه‌.

زانیاری ئه‌شكه‌ره‌ دكن كو هه‌ركه‌تێن په‌كه‌كێ ل چیایێ ب ناڤێ غالێ كو دكه‌ڤه‌ هنداڤا گوندێ سیدان ل سینۆرێ شێلادزێ ئا ناڤچه‌یا نێروه‌ و رێكان كو گرێدای پارێزگه‌هیا دهۆكێ ل هه‌رێما باشووره‌، بوونه‌ ئامانجا باله‌فرێن جه‌نگی.

ته‌ڤی كو خه‌لكێ ناڤچه‌یێ ته‌خمینا هه‌بوونا زرارێن جانی كرنه‌، وه‌زاره‌تا پاراستنا نه‌ته‌وه‌ئی ئا تركیێ ژی به‌یانه‌كه‌ نڤیسكی وه‌شاند و تێده‌ ئه‌شكه‌ره‌ كریه‌ كو ئه‌ڤ ئێریش د چارچووڤه‌یا ئۆپه‌راسیۆنا په‌نجكێ ده‌ هاتیه‌ كرن و 7 گه‌ریلا هاتنه‌ به‌رته‌ره‌ف كرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg