باله‌فرێن جه‌نگی یێن توركیا جاره‌كا دن ئێریشێ پێگه‌هێن په‌كه‌كێ ل هه‌رێما باشوورێ كوردستانێ كر، هه‌ر یه‌ك ژ ناڤچه‌یێن زاپێ، ئاڤاشین و گاره مۆشه‌ك باران كرنه.
وه‌زاره‌تا پاراستنا نه‌ته‌وه‌ی یا توركیا ئیرۆ د به‌یانه‌كه نڤیسیكی دا ئه‌شكه‌ره كر، باله‌فرێن جه‌نگی یێن سپایێ ولاتێ وان، ئێریشێن ئاسمانی ل دژی پارتا كاركه‌رێن كوردستانێ كرنه، هه‌ر یه‌ك ژ ناڤچه‌یێن زاپێ، ئاڤاشین و چیایێ گاره مۆشه‌ك باران كرن.
وه‌زاره‌تێ هه‌ر وها ئه‌شكه‌ره كر، ئه‌ڤ ئێریش ب ئالیكاریا سازیا هه‌والگیریا ده‌وله‌تێ (میت)ێ هاتیه پێكئانین، 17 چه‌كدارێن په‌كه‌كێ هاتنه به‌رته‌ره‌ف كرن.
وه‌زاره‌تا پاراستنا نه‌ته‌وه‌یی یا توركیا د داویا به‌یانا خوه دا دبێژه: “ل گه‌ل زرارێن په‌كه‌كێ یێن ڤێ ئێریشێ، هه‌ژمارا چه‌كدارێن په‌كه‌كێ د هه‌یاما حه‌فتیه‌كێ ده بوونه ئامانجا باله‌فرێن جه‌نگی، گهایه 51 چه‌كداران.
