باله‌فرێن جه‌نگی ئێن تركیێ، ئیرۆ كوشتنا فه‌رمانداره‌كا مه‌زن ئا كوردیناسیۆنا كۆمه‌لا ژنێن كوردستانێ (كه‌ژه‌كه)ێ ئا گرێدای په‌كه‌كێ، ل قه‌ندیلی ل هه‌رێما باشوورێ كوردستانێ راگهاند.
وه‌زاره‌تا كارێن هوندر ئا تركیێ، ئیرۆ د به‌یانه‌كه نڤیسیكی ده ئه‌شكه‌ره كر، باله‌فرێن جه‌نگی ئێن تركیێ، كارین فه‌مانداره‌كا مه‌زن ئا (كه‌ژه‌كه)ێ كو ب كوردیناسیۆنا كۆمه‌لا ژنێن كوردستانێ تێ ناسكرن و بالێ ژنان ئێ پارتا كاركه‌رێن كوردستانێ په‌كه‌كێ یه، ل بنارا چیایێ قه‌ندیلی بۆردۆمان كرن و هه‌ر راست كوشت.
هۆرگلیێن ئارته‌شا تركیێ وها د دن خوه‌یا كرنێ، د ئێریشا قه‌ندیلی ده، فه‌رماندارا (كه‌ژه‌كه)ێ ئا ب ناڤێ (ئایفەر کوردۆ) ھات كوشتن.
هه‌ر وها ئه‌شكه‌ره كر كو ئه‌ڤ ئۆپه‌راسیۆنا ئاسیمانی ب هه‌ماهه‌نگیا سازیا هه‌والگیری ئا ده‌وله‌ت (میت)ێ هات پێكئانین.
پارتا كاركه‌رێن كوردستانێ په‌كه‌كێ، هینا نها تو زه‌لالیه‌ك د ده‌ربارا كوشتنا (ئایفه‌رێ) ده نه دایینه، وه‌زاره‌تا كارێن هوندر ئا تركیێ دیمه‌نێن وێ ئیریشا كو (ئایفه‌ر) تێده هاتیه به‌رته‌ره‌ف كرن وه‌شاندیه.
