هه‌سه‌ده‌: ئه‌مه‌ریكایێ جاره‌كه‌ دن خه‌نجه‌ر ل پشتا كوردان خست

ئه‌مه‌ریكایێ جار دن خه‌نجه‌رێ ل پشتا كوردان دخه‌

ئه‌مه‌ریكایێ ب ئه‌شكه‌ره‌ ب هه‌سه‌دێ ره‌ گۆتیه‌ كو د جه‌نگا ل گه‌ل تركیێ ده‌ ئه‌مێ پشتگریێ ل وه‌ نه‌كن

هێزێن سووریایا ده‌مۆكراتیك دبێژه:‌ “ئه‌مه‌ریكایێ ب بریارا خوه‌ ئا ڤه‌كشاندنا له‌شكران ژ رۆژئاڤا كوردستانێ و هه‌رو ها دایینا ده‌ستوورا ئێریشكرنا سه‌ر رۆژهلاتا فراتێ، خه‌نجه‌رێ جاردن ل پشتا كوردان دخه‌”.

هێزێن سووریایا ده‌مۆكراتیك كو هه‌ڤپه‌یمانێتیا وێ و ئه‌مه‌ریكا د شه‌رێ دژی دائیشێ و ته‌رۆرێ ده‌ ل ئاسته‌كا به‌رز بوو، ئه‌مه‌ریكا ب خیانه‌تا ل گه‌لێ كورد سووچدار دكه‌ و وها دبێژه‌: “وان جار دن خه‌نجه‌ر ل پشتا كوردان خست”.

ب نه‌رینا هه‌سه‌دێ، ئیریشا رۆژهلاتا فراتێ وێ باندۆره‌كه‌ هه‌ری نێگه‌تیف لسه‌ر هه‌ولێن دژی دایشێ بكه‌، هه‌موه‌خت وێ ترسه‌كه‌ مه‌زن بكه‌ سه‌ر ره‌وشا مرۆڤایه‌تیێ، وه‌كه‌ نه‌ته‌وێن یه‌كبوویی ئیماژه‌ كر كو دوور نینه‌ كۆچبه‌ربوونه‌كه‌ ب كۆم ل رۆژئاڤا ده‌ركه‌ڤه‌ هۆلێ.

د ڤێ ده‌ربارێ ده‌، بانۆس مۆسیس رێخه‌رێ كارێن مرۆڤایه‌تی یێ هه‌رێمی ل سووریێ دبێژه‌: “ئه‌مێ خوه‌ ژبۆ رێیه‌كه‌ ب ترس ئاماده‌ دكن”.

له‌شكرێن ئه‌مه‌ریكی ناڤه‌ندێن رۆژئاڤا چوولكرنه‌

هه‌موه‌ختا فه‌رمانا دۆنالد ترامپ ئێ سه‌رۆكێ ئه‌مه‌ریكایێ ئا ڤه‌كشاندنا هێزان ژ سووریێ، ڤه‌كشاندنا له‌شكران ب پراكتیك ده‌ستپێكر، ئیرۆ رۆژا دوشه‌می، له‌شكرێن ئه‌مه‌ریكی و ئێن هه‌ڤپه‌یمانێتیا ناڤده‌وله‌تی ژ 2 بنگه‌هان ل نێزی گرێ سپیێ و سه‌رێ كانیێ خوه‌ ڤه‌كشاندن و هه‌سه‌ده‌ ب چوونا خوه‌ هایدار كر و پێره‌ گۆتنه‌: “د جه‌نگا وه‌ و تركیێ ده‌، ئه‌مێ تو پشتگریه‌كێ ل وه‌ نه‌كن”.

شه‌ر وێ ل كو ده‌رێ و چ وه‌خت ده‌ست پێ بكه‌

ره‌جه‌ب ته‌یب ئه‌ردۆگان سه‌رۆكێ تركیێ ئیرۆ یه‌كشه‌می ئه‌شكه‌ره‌ كر، له‌شكرێن ئه‌مه‌ریكی ده‌ست ب ڤه‌كشاندنێ ژ هنه‌ك ناڤچه‌یێن باكوورێ رۆژهلاتا سووریێ كرنه‌، ئه‌ڤ ڤه‌كشاندن پشتی په‌یوه‌ندیا وی ب ترامپ ره‌ چێبوویه‌.

هه‌ر وها دبێژه‌: “ل ناڤه‌راستا مه‌ها چریا دویه‌مین یا 2019ان ئه‌وێ سه‌ردانا ئه‌مه‌ریكایێ بكه‌ ژ بۆ كو دگه‌ل ترامپ د ده‌ربارا هه‌رێما ئه‌وله‌هیێ ده‌ بجڤه”‌.

تركیێ وه‌خته‌كا‌ درێژه‌ داخوازیا ئاڤاكرنا هه‌رێمه‌كه‌ ئه‌وله‌هیێ ل ناڤچه‌یا رۆژهلاتا فراتێ دكه‌، ئه‌و دخوازه‌ ئه‌ڤ هه‌رێم ب كووراهیا 32 كیلۆمه‌تران به‌، ب ئاوایه‌كی كو تو هه‌بوونه‌كه‌ یه‌كنیه‌یێن پاراستنا گه‌ل (یه‌په‌گێ) تێده‌ نه‌به‌، ژبه‌ر كو تركی (یه‌په‌گێ) ب ته‌رۆریست مه‌یزه‌ دكه‌، هه‌موه‌خت ب خه‌ته‌ر ل سه‌ر ئه‌وله‌هیا خوه‌ ئا نه‌ته‌وه‌ئی.

ئه‌مه‌ریكا كو پشتگریه‌كه‌ بێ سینۆر ژ ئالێ چه‌كان و مه‌شقێ ڤه‌ ل (هه‌سه‌دێ) و(یه‌په‌گێ) د سالێن ده‌رباسبووی ده‌ كریه‌، ئیرۆ ئه‌و ب زه‌لالی هایدار كرنه‌ كو كارین وان ئێن هه‌ڤبه‌ش ئێدی تونه‌ نه‌، (هه‌سه‌دێ) ئه‌ڤ یه‌ك ب خیانه‌ت و خستنا خه‌نجه‌رێ ل پشتا كوردان ناڤكرنه‌.

كینۆ گابریێل به‌رده‌ڤكێ هه‌سه‌دێ د بیژه‌: “بریارا ئه‌مه‌ریكا ئه‌م حێبه‌تی كرن، ئه‌مه‌ریكایێ ده‌ستوور دا كو ناڤچه‌ ببه‌ ئاگر”.

رایه‌داره‌كێ ترك د ده‌ربارا ڤه‌كشاندنا له‌شكرێن ئه‌مه‌ریكایێ ده‌ دبێژه‌: “پرۆسا ڤه‌كشاندنێ وێ ده‌ما هه‌فتییه‌كێ بدۆمه‌، ئارته‌شا تركیێ تا وه‌ختا هه‌موو له‌شكر تێن ڤه‌كشاندن تو هه‌نگاڤه‌ك نابه‌، ئانكو ئێریش وێ پشتی ڤه‌كشاندنا ته‌مام وه‌ره‌ كرن”.

رووسیا فه‌ده‌رال چ دبێژه‌؟

كۆچكا سه‌رۆكتیا رووسیا فه‌ده‌رال د ڤێ مژارێ ده‌ ده‌نگێ وێ هه‌بوو، دێمتری پسكۆف به‌رده‌ڤكێ كرملێنێ ئه‌شكه‌ره‌ كر كو دڤێ یه‌كپارچه‌یا خاكا سووریێ وه‌ره‌ پاراستن، مۆسكۆ وی چاڤدێریا ڤه‌كشاندنا وان هێزان ل سووریێ بكه‌ كو ب ئاوایه‌كی نه‌قانوونی هاتنه‌.

ئه‌مه‌ریكا و تركیێ ل ته‌باخا ئیسال رازیبوونه‌ هه‌رێمه‌كا ئه‌وله‌هیێ ل باكوورێ رۆژهلاتا سووریێ وه‌ره‌ ئاڤاكرن، لێ به‌لێ تركی ئه‌مه‌ریكا ب گیرۆكرنا ئاڤاكرنا وێ هه‌رێمێ سووچدار دكه‌ و ل هه‌فتیا بووری هۆشداری دان كو گه‌ر هه‌نگاڤێن وێ جددی نه‌به‌، تركی وێ ته‌كئالی هه‌ره‌كێ بكه‌.