نێچیرڤان بارزانی: ژ بۆ راگرتنا شه‌ر هه‌ولێن مه‌ به‌رده‌وام دكن

سه‌رۆكێ هه‌رێما كوردستانێ ئیرۆ د په‌یامه‌كێ ده‌ د ده‌ربارا ره‌وشا رۆژئاڤا كوردستانێ ده‌ راگهاند؛ ژ بۆ راگرتنا شه‌ر هه‌ولێن مه‌ د دۆمن.

نێچیرڤان بارزانی ئیرۆ رۆژا پینجشه‌می 10/10/2019 ل پەیامەکە د دەربارێ ئۆپەراسیۆنا له‌شكری ئا رۆژھلاتا فراتێ ل باكوورێ سووریێ، ژ بلی دەربرینا دلگرانی و نیگەرانی ئێن خوە، داخوازێ ژ جڤاکا ناڤدەولەتی و ئەنجوومەنا ئاساییش کر کو رۆلا خوە ئا ژ بۆ راگرتنا شەر و ڤه‌گه‌رینا ئاشتیێ دە ببینن. ھەر وھا راگھاند کو ژ بۆ راگرتنا شەر ئامادەیێ ھەموو ناڤەندگری و ھەڤکاریەکە، ژ بۆ ڤێ مەبەستێ ژی ئه‌و ل ھەولا بەردەوام ده‌ یە.

ئه‌ڤ ژی ته‌كستا په‌یامێ یه‌:

ھەر د دەستپێکێ ڤە ب ھووری چاڤدێریا رەوشێ دکین و ب دلگرانی و نیگەرانیەکه‌ کوور ڤە ل ئۆپەراسیۆنا له‌شكری ئا رۆژھلاتا فراتێ ل باكووری سووریێ تەماشە دکین ب تایبەتی کو گرۆپێن توندرەوێن ئۆپۆزیسیۆنا سووریێ تێده‌ بەشدارن. شەر دەرگەھێ ل سەر کوشتار و دەربەدەری و کۆچبەربوونا خەلکێ سیڤیل و درستبوونا نەئارامیێ ل تەڤاھی ئا ناڤچەیێ ده‌ ڤەدکە و گەف و مەترسی ئا سەرھلدانا تەرۆرێ ژی جددیتر و مەزنتر دکە.

مە کو ل ھەرێما کوردستان و ئیراقێ قوربانیەکی زێدە ژ بۆ تێکشکاندنا تەرۆرێ دایە و مە ئێشێن شەر دیتیە، گەلەک ب دلگرانی و ھەستیاریێ ڤە ل ئالۆزبوونا رەوشێ و تێکچوونا ئاساییش و نەمانا ئارامیێ دبینن کو ئەنجاما چاڤەرێنەکری و مەترسیداری ئا ناڤچەیێ و جیھانێ لێ دکەڤه‌، ژ بۆ وێ یەکێ ب ناڤێ راگرتنا شەر و دروستکرنا ئارامیێ ده‌، ل ھەولا بەردەوام ده‌نه‌ و ژ بۆ ھەموو ناڤەندگیری و ھەڤکاریەکێ ژی ئه‌م ئامه‌ده‌نه‌.

شەر و پێکدادان تەنێ ئالۆزی و مەترسیێ ل ناڤچەیێ دە زێدە دکە، دەستکەفتێن تێکشکاندنا دائیشێ ژ ناڤ دبە و ل بەرژەوەندی ئا تو ئالیەکێ ده‌ نابه‌، ژ بۆ وێ یەکێ داخوازێ ژ جڤاکا ناڤدەولەتی و ئەنجومەنا ئاساییشێ دکین چارەسەریەکه‌ دادپەروەرانە ژ بۆ پێشه‌رۆژا سووریێ پەیدا بکە ب ئاوایه‌كی کو مافێ ھەموو پێکھاتێن وێ تێده‌ پاراستی به‌ و ب جددی رۆلا خوە ژ بۆ راگرتنا شەر و ڤەگەرانا ئارامی و پاراستنا ئاشتی و دیالۆگێ و چارەسەریەکە سیاسی بیبنە و رێ نەده‌ خەلکێ سڤیل دەربەدەر و کۆچبەر ببن.

نێچیرڤان بارزانی

سەرۆکێ ھەرێما کوردستانێ

10/10/2019