پاش کو رەوشا رۆژئاڤا کوردستانێ ئالۆزیەکە هەری مەزن ب خوە ڤە دیتی ژ ئەنجاما ئێریشا دەولەتا داگیرکار ئا ترکیێ و گەل ل رۆژئاڤا راستی نەهامەتی و دەربەدەری و کوشتن و مال وێران کرنی بووی، لێ بەلی پەکەک ب هەموو ئاوایەکی بێدەنگە، ئەڤ یەک د دەمەکێ ده‌یه کو چەندین جاران سەرانێن پەکەکێ گەف ل ترکیێ خارنە کو گەر دەرباسی رۆژئاڤا ببە وێ پەکەکە شەرێ چەکداری ببە ناڤا باژارێن ترکان ده.
لێ نها تێ دیتن کو ب هەموو ئاوایەکی ترکێن داگیرکار زولم و ستەمەکە هەری مەزن بەرانبەر گەلێ رۆژئاڤا دکن و پەکەکە هەر وەکە د شاخا گای دە نڤستی بە، دەنگێ وێ تونەیە نە ب باشی نە ب خرابی، ئەڤ یەکە دبە سەدەم کو پرسەکە هەری گرینگ ل سەرێ مرۆڤ دە درست ببە، ئەو پرس ژی ئەڤە: چما پەکەکە بێدەنگە؟!
چما په‌كه‌كه میتینگا ملیۆنی ل باكوور پێك نائینه
پەکەکە ل شوونا چالاکیان ل دژی ترکێن فاشیست ئەنجام بدن، ل شوونا چالاکیێن خوە ل ناڤا باژارێن مەزن ئێن ترکان ئەنجام بدن و ل شوونا گەلی کورد ئێ باکوور راکە سەر خوە ب میتینگێن ملیۆنی وەکە میتینگێن ژ بۆ جەژنا نەڤرۆزێ ل ئامەدێ و ل باژارێن ئەورۆپایێ ساز دکە، تێ و هەول د دە رەوشا باشوور تێک بدە، پەکەکە ل باکوورا کوردستانێ یەک چالاکیێ ئەنجام نادە، لی ل باشوور هەول د دە ئالیگرێن وێ میتینگان ساز بکن و ئێریشی كۆنسۆلخانەیا ترکیێ ل هه‌ولێرێ بکن، پەکەکە ل شوونا ل ئیستەنبۆل و ئانکارایێ ئێرشی دەولەتا ترک بکە، ل ناڤچەیێن سینۆری ئێن د ناڤبەرا باشوور و باکوورا کوردستانێ دە، چالاکیان د مەشینە.
په‌كه‌كه ل شوونا د هاوارا رۆژئاڤا بچه، داخوازا په‌ره‌یان ژێ كریه
پەکەکە ل شوونا هەول بدە گەر ب شەر ژی نەبە ب دراڤی ئالیکاریا رۆژئاڤا بکە، داخازا دراڤان ل رۆژئاڤا دکە، ئەڤ دراڤە بۆ چ و بۆ تو كه‌سه‌كێ نه، تو کەس نزانە، لێ ل گورەی زانیاریێن تایبەت ئێن پیگەها دارکا مازی، ئالدار خەلیل ئەندامێ دەستەیا جێبجیكار ئا تەڤدەما سەر ب پەیەدێ ڤە د گەرمەگەرما شەرێ گەلێ رۆژئاڤا ئێ ل همبەر دەولەتا فاشیست ئا ترکیێ، هەول دایە ب رێیا برایێ خوە دراڤەکە گزاف ژ قەندیلی رە بشینە، لێ بەلی ئەڤ هەولا وان راستی شکەستنێ هات پاش کو برایێ ئالدار خەلیل ژ ئالیێ زالگەهەکە شەرڤانان ڤە تێ دەستەسەر کرن پێش کو رۆژئاڤا بجی بهێلە، تێ زانین ئەڤ کارێ ئالدار خەلیل بێ هایدار کرنا پەیەدێ و بالێ سەربازی (YPG-YPJ)ێ بوویه.
هەر وها نها ناکۆکیەکە مەزن د ناڤبەرا پەکەکە ئا رۆژئاڤا و پەکەکە ئا باکوور دە درست بوویە ل رۆژئاڤایێ کوردستانێ ژبەرکو شەرڤان وها د فكرن کو پەکەکە خوە ژ شەر دوور دگرە و گرانیا شەر ل سەر ملێن شەرڤانێن رۆژئاڤا و خەلکێ سڤیل هشتنە.
