پێش 16ێ ئۆکتۆبەرێ گرۆپێ ئیخانەتێ چ هەنگاڤ ئاڤێتبوون؟
پاڤێل تاله‌بانی سه‌ركردێن یه‌كیتێ هه‌ر یه‌ك ب ئاوایه‌كی ل سه‌ر ئیخانه‌تێ رازیكربوون
ئا رووهن و ئەشکەرە یە کو ژ سەدەما ئیخانەتا بالەکە دیار د ناڤ یەکیتیا نشتیمانی ئا کوردستانێ دە، ل پێش 16ێ ئۆکتۆبەرا سالا 2017ان، هەرێما کوردستانێ بەرانبەر هنەک دەستکەفتیێن ماددی و سۆزێن بێ بنەما ب تەڤاهی هاتبوو فرۆتن ب دەولەتێن دژمن، لێ بەلێ ئەڤ پیلان ب تەڤاهی نەهات بجیكرن، ژبەر وێ بەرخوەدانا پیشمەرگەهان ل ئەنیێن شەر ل پردێ و سهێلا و مەهموودیێ.
ئا ل 16ێ ئۆکتۆبەرێ هاتی وجودێ، دەرەنجاما ئیخانەتەکە بەر وەخت بوو کو ژ ئالیێ جۆت پسمامان (لاهۆر شێخ جەنگی و باڤێل تالەبانی) ب هەژمارەکە هەری زێدە ئا ئەندامێن سەرکرداتیا YNK دایی ئیمزە کرن، لێ ئەڤ ئیمزە کرنا هنەک ژ ئەندامان ژ نه‌فامیا وان نەبوویە، بەلکو هەر یەک ب ئاوایەکێ هاتیە رازی کرن ئیمزەیێ لسەر وی ئیخانەتێ بکن کو ئەمێ ل ڤر هنەک ژ وان ئالاڤان بەهس بکن:
سه‌ركرده‌یێن یه‌نكێ دگه‌ل له‌شفرۆشێن ئیرانێ هاتبوون ڤیدیۆ كرن
پێش 16 ئۆکتۆبەرێ، ب رێیا باندەکە ژنێن لەشفرۆش ئێن ئیرانی کو د ناڤا وێ باندێ دە هنەک کەچێن کورد ئێن رۆژهلاتا کوردستانێ ژی هەبوون هنەک رایەدارێن له‌شكری ئێن YNK هاتن خاپاندن و دیمه‌نێن کارێن وان ئێن نەشەرئی دگەل وان که‌چان ل ڤیلەیێن تایبەت ئێن وان رایەداران دە هاتن وینە کرن، هه‌یا كو پاش ل دژی وان بهێن بکار ئانین ئەگەر هات و ب بریارا جۆت پسمامان رازی نەبوون ل دەما پاش دە کیشانا پێشمەرگەهان ل ئەنیێن شەر ل کەکووکێ، ئەڤ پلان ژ ئالیێ ده‌زگه‌ها زانیاری ب هەڤبەشی دگەل ده‌زگه‌ها ئیستیخباراتی ئا ئیرانێ (ئیتیلاعات)ێ هات پێک ئانین.
– پێدانا چەندین پلە و پۆست و پەرەیان ب هنەک بەرپرسێن له‌شكری ئێن کو جۆت پسمام نەکاری ب رێیا کەچکان باندۆرێ ل وان بکن و بێخن تەلها خوە.
– گەف کرن ب کوشتنا هنەک ژ رایەداران کو ب رێیا هەردو خالین بەری نها هاتی باس کرن نەکەتی دەست جۆت پسمامان.
– گەف کرن ل هنەک رایەداران ب بێ رۆمەت کرنا شەرەفا مالباتێن وان.
38 ئه‌ندامێن كۆمیتا سه‌ركردتیا ینكێ لهه‌ڤهاتنا ئیخانه‌تێ ئیمزه كربوو
پشتی ئیمزه کرنا ئیخانەتێ ژ ئالیێ 38 ئەندامێن سەرکرداتیا YNK کو کوڕی مام جەلال “باڤێل” ب خوە ل سەر ئەکرانێن تێلەفزیۆنێن جیهانی دانپێدان ب ڤێ یەکێ کر یەکیتیێ چەندین کار ئەنجام دابوون ژ بۆ سەرکەتنا ڤێ ئیخانەتێ، ژ وان کاران ئەڤ بوون کو 3 رۆژان بەرا 16ێ ئۆکتۆبەرێ ئانکۆ ل رۆژا 13ێ ئۆکتۆبەرێ یەکیتیێ هەرهەموو چەکین گران ل کەرکووکی ڤەکشاندن، ل رۆژا 14/10/2017ان ل ناڤچه‌یا (مەکتەب خالید) ب ئاراستا رێیا (داقووق – کەرکووکێ) هەموو ئه‌نیێن پێشمەرگە هاتن چۆل کرن، هەرچەند ئەڤ ئه‌نیه پر موكوم بوون، ژ بەر کو ژ بۆ شەرێ ل دژی دائیشێ هاتبوون ئاڤا کرن، ب ڤەکشاندنا پێشمەرگەهان و درست بوونا نەرازیبونەکە تەڤاهی ژ ئالیێ گەلێ باشوور، سەرانێن بالێ خائینێن ئۆکتۆبەرێ راگهاند کو ئەڤ یەک تاکتیکەکە له‌شكریه ژ بۆ روو ب روو بوونا ئارته‌شا ئیراقێ و هەشدا شەئبی گەر ئێریشی سەر کەرکووکێ بکن، بەرپرسێ ئه‌نیا 5 ئا رۆژئاڤا کەرکووکێ سەرەدانا ئه‌نیا 4 دکە کو ل وێ دەمی (شێخ جەعفەر شێخ مسته‌فا) ژی ل وێ دەرێ ئامادە بوو، بەرپرسێ ئه‌نیا 5 ژ شێخ جەعفەر دپرسە ئەرێ گەلو چما هوون پاشدە ڤەدکشن؟! لی شێخ جەعفەر د بەرسڤێ ده دبێژە (ئەز تو تشتەکی نزانم، وەستا رەسوول بەرپرسێ ئه‌نیێ یه بلا ئەو بەرسڤێ بدە، پاش وەستا رەسول دبیژە: (سەرکرداتیا سیاسی ئا مە “YNK” دگەل ئیراقێ لهەڤهاتنەک ئیمزە کریە و ئەمێ شەر نەکن و سبە وێ ئارته‌شا ئیراقێ ل جیێ مە به، هون ژی ئازادن شەر بكن یان نە)…!
پیلان ب ڤی ئاوایی بوو کو فەرماندارەکە یەکیتیێ ب ناڤی “رەمەزان دیکۆنی” رێ ل بەر ئارته‌شا ئیراقێ و هەشدا شەئبی ڤەکت و ب ڤێ یەکی ئارته‌ش بگەهە پشتا گوندی قەرەدەر کو بارەگەهێ سەرەکە ئێ ئه‌نیا 5ان ئێ کەرکووکێ دکەڤە ور و هەر هه‌موو پێشمەرگە بهێن کۆمەلکوژ کرن، لێ بەلی ئەڤ فەرماندارە ب تو ئاوایەکێ رازی نابە و ژێرە دبیژە: (ئەزێ تو جاران ئیخانەتەکە ب ڤی ئاوایی ئەنجام نەدەم گەر سەرێ خوە ژی ل سەر دانم).
ئا راست گەر هەموو فەرماندارێن یەکیتیێ وەکە فەرماندار “رەمەزان دیکۆنی” بهزریبان وێ تو جاران ئارته‌شا داگیرکاران نەکاریبان نە کەرکووکا دلێ کوردستانێ داگیر بکن، نە ژی تو بوهستەکە دن ژ ئاخا پیرۆز ئا کوردستانێ ب پۆستالین خوە ئێن قرێژ پیس بکن.
