رۆژا تاری و ژ ده‌ستچوونا 51% ئا خاكا كوردستانێ

16ێ ئۆكتۆبه‌رێ رۆژا تاری و ژ ده‌ستچوونا 51% ئا خاكا كوردستانێ

ب سه‌ده‌ما لهه‌ڤهاتنه‌كه‌ ئیخانه‌تێ ئا باله‌كه‌ دیار ئێ یه‌كیتیا نشتیمانی ئا كوردستانێ ل گه‌ل میلیشیا هه‌شدا شه‌ئبی، سپایێ پاسداران و هه‌ر وها حزبوللا ئا لبنانی، ل 16ێ ئۆكتۆبه‌را سالا 2017ان، ئیریشا سه‌ر ناڤچێن خورماتوو، كه‌ركووك، خانه‌قین هات پێكئانین، ئه‌نجاما ڤێ ئیخانه‌تێ، ژ ده‌ستچوونا رووبه‌ره‌كا به‌رفره‌هـ ئا خاكا كوردستانێ، شه‌هید كه‌تن و بریندار بوونا سه‌دان خۆرتێن كورد و پێشمه‌رگه‌یان، هه‌موه‌خت كۆچبه‌ربوونا نێزی 200 هزار ئینسانان.

د رۆژه‌كه‌ وه‌كه‌ ئیرۆ دا ل 16/10/2017ان، ئارته‌شا ئیراقێ، میلیشایێن شیعه‌ ئێن ئیراقێ ب رابه‌راتیا قاسم سوله‌یمانی ئێ فه‌رماندارێ فه‌یله‌قا قودسێ د سپایێ پاسدارێن ئیرانێ ده‌، ژ سه‌ده‌ما لهه‌ڤهاتنه‌كه‌ ل گه‌ل یه‌كیتی ئا نشتیمانی ئا كوردستانێ، ئێریشا سه‌ر ناڤچێن باشوورێ كوردستانێ هات پێكئانین، هه‌ر د زوو ده‌ یه‌كیتیێ فه‌رمان ژ بۆ پێشمه‌رگه‌ شاندن كو ڤه‌كشن و رێ ژ بۆ ده‌رباسبوونا ئارته‌شا ئیراقێ و میلیشیا وان ڤه‌كن، د وێ رۆژێ ده‌، باژارێ كه‌ركووكێ كو ب دلێ كوردستانێ تێ ناسكرن، هه‌موه‌خت 51% یا خاكا كوردستانێ ژ ده‌ستچوو.

خائینێن گه‌ل دلێ ولات ب دژمن دا و پیرۆزی بێ رومه‌ت كرن

گرۆپه‌كه‌ دیار ئێ یه‌كیتی ئا نشتیمانی ئا كوردستانێ ب ئیخانه‌تا مه‌زن سووچباره‌ وان دلێ ولات فرۆتن، گرۆپ ئه‌ڤه‌: (باڤێل تاله‌بانی – لاهۆر شێخ جه‌نگی – ئاراس شێخ جه‌نگی – ئاسۆ مامه‌ند – وه‌ستا ره‌سوول –  ئالا تاله‌بانی) و ب موباره‌كه‌تا هێرۆ ئیبراهیم ئه‌همه‌دێ.

وان سه‌ركردێن یه‌كیتیێ وه‌كه‌ پارتا ده‌مۆكرات ئا كوردستانێ، ته‌ڤگه‌را گۆران، پارتێن سۆسیالیست و هینا ئێن ئیسلامی، بالێ ولاتپارێز ئێ یه‌كیتیێ، ئه‌و ب ئیخانه‌تا ل (گه‌ل، پێشمه‌رگه‌، نشتیمان و پیرۆزی ئێن ولات) سووچبار كرن، روو ره‌شی به‌هرا وان كر. وان ده‌ست خستن ناڤ ده‌ستێ دژمن و گه‌لێ باشوور ل به‌ر سته‌ما میلیشیایێن مه‌زهه‌بی، كوشتن و كۆچبه‌ربوونێ هشتن.

ئیخانه‌تكرنا وان كاره‌كێ هه‌ری زه‌لال بوو، نه‌ ته‌نێ پارتا ده‌مۆكرات (په‌ده‌كێ) ئه‌و ب ئیخانه‌تێ سووچبار كرن، لێ به‌لێ ته‌ڤ پارتێن كوردستانێ، هینا به‌رپرسیارێن هكوومه‌تا ئیراقێ ئێن وێ ده‌مێ ده‌نگێ خوه‌ كرن و سپاسیا یه‌كیتیا نشتیمانی ژ بۆ راده‌ستكرنا كه‌ركووكێ كرنه‌، پشتره‌ گه‌له‌ك گازی ژ ئالیێن سیاسی ئێن باشوورێ كوردستانێ به‌رزبوون و خوه‌ستن ئه‌ڤ گرۆپێ ئیخانه‌تێ وه‌ره‌ دادگه‌هـ كرن، وه‌كه‌ پارتا ده‌مۆكرات (په‌ده‌كێ) و گۆرانێ كو ل وه‌ختا خوه‌ گۆتن: (یه‌كێتی ژ فرۆتنا كه‌ركووكێ و ناڤچێن دن ئێن كوردستانی به‌رپرسیاره‌ و دڤێ دانپێدانێ ب ئیخیانه‌تا خوه‌ ئا نشتیمانی ئا 16 ئۆكتۆبه‌رێ بكه)‌.

ته‌ڤگه‌را گۆرانێ ل وه‌ختا خوه‌ یه‌كیتی به‌رپرسیار كر

به‌ریا بوویه‌رێن 16ێ ئۆكتۆبه‌رێ، گه‌لێ باشوور ده‌ستهه‌لاتا ئه‌وله‌هیێ و ئیداره‌كرنێ ل كه‌ركووكێ و پرانی ئا ناڤچێن كوردستانی هه‌بوو، ئه‌ڤ یه‌ك ب خوینا هزاران شه‌هیدێن ته‌كۆشینا چیا و شه‌ڕێ ل دژی دائیشێ بوو، وه‌كه‌ گۆران دبێژه‌: (ب مخابنی ڤه‌، ل 16ێ ئۆكتۆبه‌رێ یه‌كێتیێ ب لهه‌ڤهاتنه‌كه‌ نهێنی ئا حزبی و سیاسی ئا ته‌كئالی‌، ئیخانه‌تا نشتیمان كر و كه‌ركووك و 51% ئا خاكا كوردستانێ فرۆتن.

ئیخانه‌ت كو ب كۆلتووره‌كه‌ دێرین د ناڤ یه‌كیتیا نشتیمانی ده‌ تێ هه‌ژمارتن، ل 16ێ ئۆكتۆبه‌رێ وێ ئیخانه‌تێ نه‌ ته‌نێ خاكا كوردستانێ ووندا كر، لێ به‌لێ گه‌ل و پێشمه‌رگه‌ ژی بێ رومه‌ت كرن، ئه‌ڤ ئیخانه‌ت هنده‌ مه‌زن بوو كو وه‌كه‌ فه‌رماندارێ یه‌كا 70ان ئا پێشمه‌رگه‌ دبێژه‌: (گه‌ر ئه‌ڤ یه‌ك ل وه‌ختا ته‌كۆشینا چیا ببایه‌، وێ ئه‌ڤ گرۆپێ كالفام هاتبه‌ گوللـه‌ باران كرن).

16ێ ئۆكتۆبه‌رێ رۆژا تاری و ژ ده‌ستچوونا 51% ئا خاكا كوردستانێ

ل 16ی ئۆكتۆبه‌را سالا 2017ان هه‌ر یه‌ك ژ هه‌شدا شه‌ئبی، سپایێ پاسداران و میلیشیایێن حزبوللا ئا لبنانی ئێریشی خۆرماتوو، كه‌ركووك و خانه‌قینێ كرن و هه‌ر د زوو ده‌ خستن بن چه‌نگا خوه‌، ب سه‌دان هه‌مولاتی ئێن كورد شه‌هید كه‌تن، 200 هزار كۆچبه‌ر بوون، (باڤێل و لاهۆر شێخ جه‌نگی) و تاقما وان ئا ئیخانه‌تێ ژی هینا نها نه‌هاتنه دادگه‌هـ كرن، لێ به‌لێ پله‌یا وان به‌رزتر بوویه‌‌.