هكوومه‌تا تركیێ ئیرۆ 3 قه‌یووم ل ئامه‌دا باكوورێ كوردستانێ وه‌زیفه‌دار كرنه كو دوهـ هه‌ڤشاره‌دارێن وان ب سووچا په‌كه‌كێ هاتبوون بنچاڤ كرن.
ل ئامه‌دێ شارەدارا کایاپنارێ ئا هه‌ده‌پێ کەزبان یلماز، شارەدارێ بسملێ ئۆرھان ئایاز و شارەدارا كارازێ رۆژدا نازلەر کو د چارچۆڤەیا لێپرسینا ل سه‌ر په‌كه‌كێ ده بنچاڤکری نە، ب دەستێ وەزارەتا کارێن هوندر ھاتن دوورخستن.
ل ئەولەکاریێ مەمەلەیێن شارەدارا کایاپنارێ ئا هه‌ده‌پێ کەزبان یلماز، شارەدارێ بسملێ ئۆرھان ئایاز و شارەدارا كارازێ رۆژدا نازلەر کو د چارچۆڤەیا لێپرسینا سەردۆزگەریا کۆمارێ ئا ئامه‌دێ ده ژبەر سووچێن “ئەندامەتیا په‌كه‌كێ” و پرۆپاگانده‌یا وێ دوھ رۆژا دوشه‌می 21/10/2019ان ھاتن بنچاڤکرن، دەوام دکە.
ھەروھا ھات دەست نیشان کرن هه‌رسێ شاره‌دار د چارچۆڤەیا مادەیا 127 مینا دەستوورێ و مادەیا 47مینا قانوونا شارەداریێ ئا ژمارە 5393 ده ژ وەزیفەیێ ھات دوورخستن و ھەروھا ل شوونا وان قه‌یووم هاتن وه‌زیفه‌دار كرن.
