هێزێن كو ناڤی یه‌كینه‌یێن رزگاریا ئه‌فرینێ ل سه‌ره، د چالاكییه‌كێ ده كو ناڤێ تۆلهلدانێ لێ كریه، 5 چه‌ته‌یێن تركیێ ل سینۆرێ ئه‌فرینێ كوشتن، هه‌موه‌خت ده‌ست دانی سه‌ر هنه‌ك چه‌كان ده.
هێزێن رزگاریا ئه‌فرینێ ئیرۆ رۆژا چارشه‌می 23/10/2019ان، د به‌یانه‌كه نڤیسكی ده ته‌سبیت كر كو هێزێن وان 5 چه‌ته‌یێن تركیێ ل سینۆرێ ئه‌فرینێ كوشتن، ئه‌ڤ ژی ته‌كستا وێ به‌یانێ یه:
ھێزێن مە چالاکیێن خوە یێن د چارچووڤەیا تۆلھلدانێ دە ل دژی ئارته‌شا ترکا داگیركار ده و چەتەیێن وێ بێ ناڤبەر د دۆمینن.
د دیرۆکا 22 جۆتمەھێ دە ل گوندێ مەریەمین ئێ گرێدایی ناڤچەیا شەرایێ ل دژی چەپەر و باره‌گەھێن چەتەیێن ئارته‌شا ترکا داگیرکار ده، ھێزێن مە چالاکیەک ب شێوازێ سەرداگرتنێ ل دار خستن.
د ئەنجامێ دە باره‌گەھەک ب تەمامی ھات رووخاندن، 5 چەتە ھاتن کوشتن و 1 چەکێ ئاک-٤٧، ١ تەرمال ب جورەیێ ئاسەلسان و رەختەک ژ ئالیێ ھێزێن مە ھات دەستەسەر کرن.
ھەر وھا مە د داخویانیەکێ خوە دە راگھاندبوو، د چالاکیا دیرۆکا 11 جۆتمەھێ ده کو ل گوندێ مەریەمین ل دژی باره‌گەھەکی ئارته‌شا ترک ھاتبوو ل دار خستن، 2 لەشکەرێن کو بریندار ببوون، 1 ژ وان لەشکەرێن بریندار ھات زەلالکرن کو د نەخوەشخانەیێ دا مریە.
