رۆژئاڤا کوردستانێ ژ پەکەکێ مەزنترە

رۆژئاڤایێ کوردستانێ ژ پەکەکێ مەزنترە

«پەکەکی خوە وها دیارکر کو چارەسەری تەنێ ل جەم وێ یە»

ئەو ئێریشێن ژ بۆ داگیرکرنا رۆژئاڤا کوردستانێ تێن ئەنجامدایین هەرچەندە هێزا وێ یا لەشکری کێم ببیت لێ بەلێ یا راست هێزا وێ یا سیاسی د دۆمە و مەترسی هێژان کێم نەبوویە، پسگرێکا رۆژئاڤایێ کوردستانێ بۆ مژارەکە گرینگ ژ بۆ لهەڤهاتنێن ناڤدەولەتی، ژ بلی لهەڤهاتنا د ناڤبەرا «ترکیێ و رووسیێ» ده‌ هاتیە ئیمزە کرن ژ بۆ چارەسەریا پسگرێکان رۆژەڤەکە گۆتوبێژان هاتیە پێش، ژ بەر کو بابەتا رۆژئاڤا پەیوەستە ب قەدەرا هەموو کوردان ڤە و نە بابەتا کەسەکێ یان ئالیه‌كی ب تەنێ یە، گەر ئیرۆ ئێریشا تورکیا یا ب ناڤێ «کانیا ئاشتیێ» ل سەر رۆژئاڤا کوردستانێ هاتبه‌ سەکناندن و قڕ کرن پێک نەهاتبه‌، ئەڤ یەک ڤەدگەرە ژ بۆ هەموو کەد و هەولێن بەردەوام یێن هەموو کوردان، لێ بەلێ پاش کو هەولدانێن داگیرکاریا ل سەر رۆژئاڤا ب داوی وەرە، پێویست دکە ئالیێن کوردی ب هەڤرە کار بکن ژ بەر کو پسگرێکا رۆژئاڤا ب تەنێ نە پێویسته‌ ب یەک ئالی «پارتی» ڤە، پێویست دکە ئالیێن سیاسی دەست ژ بەرژەوەندی یێن شەخسی بەردن، پێش نها ژی د پسگرێکن پەیوەست ب هەموو کوردان، پەکەکی خوە وەها دیار دکر کو ب تەنێ دەرگەهێ چارەسەریێ ل جەم وێ یە، ب تایبەتی هەلوه‌ستێن پەکەکێ ل رۆژئاڤا کوردستانێ دە کو خوە ب تەنێ ب خوەدیێ راستەقینە یێ رۆژئاڤا دبینیه‌، پێویست دکە پەکەکە دەست ژ ڤێ هەلوەستا خوە هلگریت.

ئەڤ یەک ب زەلالی د داخوەیانیێن پەکەکی دە دیار دبیت، وه‌ختا کو خوە ب تاکە خوەدی یێن رۆژئاڤا دبینە و قەبوول ناکە ب تو ئاوایەکی ئالیەکه‌ دن خوە نێزی رۆژئاڤا بکە، ئا راست ئەڤ یەک فەهمەکە پر مەترسی یە، ژبەرکو پێشەرۆژا کوردستانێ ژ پێشەرۆژا پارتیەکێ پڕ گرینگ ترە.

«پەکەکە ناخوازە راستەراست بێژە ترکیێ ئێریشێ رۆژئاڤا كریه‌ بەلکو ئێریشێ ب AKPێ ڤە گرێددە، ئه‌و ناخوازه‌ دیرۆکا دەولەتا ترکیێ رەش بکه‌»

د دیرۆکێ دە د پسگرێکێن تایبەت و هەڤپار د ناڤبەرا کوردان دە پەکەکێ هەرتم ئەڤ یەک ب بابەتێ خوە یێ نهێنی ده‌رباس کریە،  پەکەکە هەرتم د هنەک پەیوەندیێن تاری و ب گۆمان ده‌ یە، ب تایبەتی دگەل دەولەتا داگیرکار ئا ترکیێ کو نە پەکەکە نە ئۆجالان ب تو ئاوایەکی هەلوه‌ستەکە رادیکال وەرناگرن یان ژی نکارن وەرگرن، د ئێریشا ل سەر رۆژئاڤا کوردستانێ هاتیە ئەنجام دایین هەموو پارتی یێن سیاسی  د هوندرێ پەرلەمێنتۆیا ترکیێ دە و هەموو سازیێن سڤیل ئێن ترکیێ ئالیگر و پشتەڤانیا وێ ئێریشێ کر، پەکەکێ ژی ئەڤ ئێریشە ب ئێریشا دەولەتا ترکیێ ناڤ نەکر بەلکو ئەڤ یەک ب ئێریشا AKP و MHP ناڤ کر، نە دەولەتا ترکیێ بەلکو ب تەنێ ئه‌ردۆگان ئارمانج گرت، پەکەکە ناخوازە راستە راست بێژە ترکیێ ئێریش ل سەر رۆژئاڤا پێک ئانیە بەلکو ڤان ئێریشان ب AKP ڤە گرێ ددەت و ناخوازیت دیرۆکا دەولەتا ترکیێ رەش بکت.

«د ناڤبەرا پەکەکێ و ترکیێ دە تێكلیه‌كه‌ نهێنی هەیە کو باندۆره‌كه‌ مەزن ل قەدەرا کوردان کریە»

«په‌یه‌دێ گۆتبوو وێ ئەفرینێ بکن ڤیێتنام ژ لەشکرێ ترکیێ رە»

د ناڤبەرا پەکەکێ و ترکیێ دە پەیوەندیەکە نهێنی هەیە کو کاریگەریەکە مەزن ل قەدەرا کوردان کریە، ل شەرێ عەفرینێ دە تێكلی د ناڤبەرا «پەکەکێ و میتێ و ئۆجالان”دە چ بوو»، وه‌ختا ل رۆژا 20/3/2018ان عەفرین کەتیە دەست داگیرکارێن ترکیێ ده‌ «موراد کارایلان» ل رادیۆ یا دەنگێ وەلات دە گۆتارەک پێشکێش کر و گۆ: ترکیێ و رووسیێ لهەڤهاتنەکە ستراتیژی پێک ئانی، لێ بەلێ شەرێ مەزن ل ئیمرالیێ هات ئەنجامدایین، ترکیێ شاندەک شاند ئیمرالیێ و داخواز ژ ئۆجالان کر بەرخوەدانا عەفرینێ راوەستینە، لێ ئۆجالان ئەڤ یەک قەبوول نەکر، ئۆجالان گۆ فشارەکە مەزن ل سەر من هەیە و پر پێزانینێن گرینگ د دەست من دە هەنە و ل رۆژێن بهێ ده‌ وێ ب نڤیسین ژ رایا گشتی رە ئەشکەرە بکم، لێ بەلێ پاش وێ یەکێ تو داخوه‌یانیەک ژێ نەهات بهیستن، پرس ئەڤە گەلو ب راستی چ چێبوو کو ئۆجالان تو تشتەک ئەشکەرە نەکر؟ ل 20/1/2018ان ئیریشا داگیرکاری یا ل سەر ئەفرینێ دەست پێ کر، و PYD راگهاند وێ ئەفرینێ بکن ڤیێتنام ژ لەشکرێ ترکیێ رە، ب راستی ژی شەرەکە باش هات کرن و خۆرتێن کورد بەرخوەدانەکە مەزن کر، گەلێ ئەفرینێ ژی نە دخواست وارێ خوە چۆل بکە، ل گور داخوەیانیا «مەزلووم کۆبانی» بۆ رایا گشتی هه‌ژمارا 1500 شەرڤانێن YPG شەهید كه‌تن، ل 18/3/2018 هێزا QSD گۆت: YPG خوە ژ ئەفرینێ ڤەکشاند، YPG د گۆت دژمن وێ نکارە بکەڤە هوندرێ ئەفرینێ دە تاکو وەزیرێ دەرڤە یێ ترکیێ مەولوود چاویشئۆغلو راگهاندی وێ ئێریشا ل سەر ئەفرینێ هه‌یا مه‌ها 5/2018ان بەردەوام بکە، پاش ئاخافتنا چاویشئۆغلو ب 2 سائه‌تان ئەردۆگان گۆت نەخیر ئەمێ د دەما دو رۆژان دە بکەڤین هوندرێ ئەفرینێ دە، ب راستی ژی پاش دو رۆژان لەشکرێ ترکیێ ب چەتەیێن خوە ڤە کەتە هوندری ئەفرینێ دە، ئەرێ گەلۆ چ پێشکه‌تنەک درست بوو کو جوداهی د ناڤبەرا ئاخافتنا ئەردۆگان و چاویشئۆغلو دە درست بوو، ئەڤ یەک ئەشکەرە یە کو ئەفرین ل سەر مێزا نیقاشێ دە هاتیە رادەست کرن.

«پەیوەندی د ناڤبەرا ئۆجالان و قەندیل و دەولەتا ترکیێ دە درست بوویە و ئەفرین هاتیە رادەست کرن»

موراد کارایلان ئەڤ لهەڤهاتنا درست بووی د راگەهاندنێ دە سەر و بن دیار کربوو، لێ پاش ڤێ یەکێ هنەک بریارێن ڤەشارتی هاتن دان و پاش دە ب تو ئاوایەکی بەحس ل سەر نەهات کرن، دهات گۆتن کو فشارەکە هەری مەزن ل سەر ئۆجالان هەبوون و پارێزەر و کەس و کارێن وی تو پەیوەندیەک دگەل دە نەبوو، پرس ل ڤر ئەڤە ئەرێ گەلۆ موراد کارایلان ئەڤ پێزانین ل کو دەرێ ب دەست خستنە، ب راستی پەیوەندی د ناڤبەرا ئۆجالان و قەندیل و دەولەتا ترکیێ دە درست بوویە و ئەفرین هاتیە رادەست کرن، دیار بوو کو ئۆجالان نە ل بن وێ فەشارێ یە یاکو پەکەکە باس لێ دکە، ب ناڤبەینکاریا میتێ هەرتم پەیوەندی د ناڤبەرا قەندیلی و ئۆجالان دە درست بوویە، د هەمان دەمێ دە بابەتا ئەفرینێ گهایە وێ ئاستێ کو ئۆجالان تەداخول د پێڤاژۆیێ دە کر و شەر هات سەکناندن و ئەفرین ژ دەولەتا ترکان رە بجی هێلا.

دەولەتا ترکیێ رۆژا ڤەکشینا YPG ژ ئەفرینێ رۆژا سەرکەتنا «چاناقالە» ل 17/3/1920ان ژ بەر کو د هەمان رۆژ دە ترکیێ د شەرێ دگەل بەریتانیایێ دە سەرکەتن ئانیبوو و قۆناخا دامەزراندنا دەولەتا ترکیێ دەست پێ کربوو.

«نابە ئەم دەرفەتێ بدن كو رۆژئاڤا ب دەردێ ئەفرینێ ره‌ بچە، رۆژئاڤا یا هەموو کوردانە، رۆژئاڤا ژ پەکەکێ مەزنترە»

د هەر شەرەکێ دە شکەستن و خوە ڤەکشاندن هەیە و هێزا مرۆڤی ب کار هەر تشتی نایێ، له‌وما خوە ڤەکشاندن و شکەستن ژی تشتەکە خوەزایی یە، لێ بەلێ گەر پەیوەندیەک د ناڤبەرا قەندیلێ و ترکیێ دە هەبه‌ چما ناهێ باس کرن، و چما درەوان ل گەلێ کورد دکن، پەرپرساتیا رەوشەنبیر و سیاسەتمەدارێن کورد د ڤێ خالێ دە دەست پێ دکە کو بابەتێن گرینگ ئێن کوردستانێ ب تەنێ ژ بۆ پارتیەکی نینە، وەکە بابەتا ئەفرینێ بلا هەر کوردەک ڤێ پرسێ بکە چما پەکەکێ ئەفرین ب جی هێلا و سەدەم چ بوون؟، پسگرێکا رۆژئاڤا د پشت دەرگەهێن گرتی دە د ناڤبەرا پەکەکێ و ئیمرالیێ و ترکیێ دە ناهێن چارەسەر کرن، نابە ئەم دەرفەتێ بدین رۆژئاڤا ب تەمامی ب دەردێ ئەفرینێ ره‌ بچە، رۆژئاڤا یا هەموو کوردانە، رۆژئاڤا ژ پەکەکێ مەزنترە، ئەم نکارین رۆژئاڤا بکین قۆربانیێ بەرژەوەندیێن پەکەکێ و پەیمانێن ڤەشارتی یێن د ناڤبەرا ئۆجالان و دەولەتا ترکیێ ده‌.

پوستێن ھەمان بەش