باله‌فرێن جه‌نگ 20 چه‌كدارێن یه‌به‌شێ ل خانه‌سۆرێ كوشتن

باله‌فرێن جه‌نگ 20 چه‌كدارێن یه‌به‌شێ ل خانه‌سۆرێ كوشتن

باله‌فرێن جه‌نگی ئێن تركیێ ئیرۆ باره‌گه‌هه‌كه‌ یه‌كینه‌یێن به‌رخوه‌دانا شه‌نگالێ ئا گرێدای په‌كه‌كێ، ل باژارۆكێ خانه‌سۆرێ ئێ باكورا شه‌نگالێ هه‌ده‌ف كر و 20 چه‌كدارێن وێ گرۆپێ تێده‌ كوشتن.

ئیرۆ رۆژا چارشه‌می 20/11/2019ان باله‌فرێن جه‌نگی كو گومان تێ كرن ئێن ئارته‌شا تركیێ بن، باره‌گه‌هه‌كه‌ یه‌كینه‌یێن پاراستنا شه‌نگالێ كو ب یه‌به‌شه‌ تێ ناس كرن، ل باژارۆكێ خانه‌سۆرێ ئێ باكورا شه‌نگالێ هه‌ده‌ف كر و 20 چه‌كدارێن وێ گرۆپا گرێدای پارتیا كاركه‌رێن كوردستانێ په‌كه‌كێ د هوندرێ باره‌گه‌هێ ده‌ كوشتنه‌.

وه‌زاره‌تا كارێن هوندر ئا هكوومه‌تا ئیراقا فه‌ده‌رال د به‌یانه‌كه‌ نڤیسكی ده‌، ته‌سبیت كر كو باله‌فه‌ره‌كه‌ نه‌ ناسكری ئه‌ڤ ئێریشا هه‌وایی ئه‌نجام داییه‌ و 20 چه‌كدارێ یه‌به‌شێ تێده‌ كوشتنه‌.

هه‌ر وها ئه‌شكه‌ره‌ كر كو ئه‌و باره‌گه‌هێ یه‌به‌شێ ب ته‌مامه‌تی هات تێك برن.

ئێریشا ئیرۆ ئا ل باژارۆكێ خانه‌سۆرێ هه‌موختا ئێریشا دوهـ رۆژا سێشه‌می تێ وه‌ختا ئێریشا هه‌وایی ل سه‌ر مالا ولاتیه‌كێ خانه‌سۆرێ ب ناڤێ «ئیلیاس دێرۆ» هات كرن و تێده‌ 5 چه‌كدارێ یه‌به‌شێ هاتنه‌ به‌رته‌ره‌ف كرن.