سوپایێ توركیا و پۆلیسێن سه‌ربازی یێن رووسیا فه‌ده‌رال، ئیرۆ گه‌را هه‌ڤبه‌ش یا 11ێ ل ناڤچه‌یێن رۆژهلاتا فراتێ ئه‌نجام دا.
ژێده‌رێن رۆژئاڤا كوردستانێ ئه‌شكه‌ره كرن، ئیرۆ رۆژا دوشه‌می 25/11/2019ێ یه‌كه‌یێن سوپایێ توركیا و پۆلیسێن سه‌ربازی یێن رووسیا فه‌ده‌رال گه‌ره‌كا چاڤدێریێ یا هه‌ڤبه‌ش ل رۆژئاڤا كوردستانێ ئه‌نجام دان.
گه‌را ئیرۆ كو یا 11ێ بوو تێ كرن، تێدا ئه‌ره‌به‌یێن سه‌ربازی یێن توركیا و رووسیا ل ناڤچه‌یێن ناڤبه‌را باژارێ قامشلۆیێ و دێركێ دا گه‌را خوه كرن.
4 زریپۆشێن سوپایێ توركیا و 4 یێن سوپایێ رووسیا فه‌ده‌رال و هه‌موه‌خت باله‌فرێن جه‌نگی یێن بێ پیلۆت به‌شداری گه‌را هه‌ڤبه‌ش كرن و ب كووراتی 10 كم و درێژاهی 58 كم، هه‌ركه‌ت كرن.
