فه‌رماندارا هه‌ری دیار یا پارتیا كاركه‌رێن كوردستانێ په‌كه‌كێ ب ناڤێ «به‌یرات ئاڤشین و ب كۆد ناڤێ مه‌دیا ئه‌گید» د ئێریشه‌كا باله‌فرێن تركیێ دا ل شه‌نگالێ هات كوشتن.
چاڤكانیێن ئه‌وله‌هیێ ئه‌شكه‌ره كرن، «به‌یرات ئاڤشین»، فه‌رماندارا په‌كه‌كێ و ئه‌نداما كۆما جڤاكێن كوردستانێ كه‌جه‌كێ، ل رۆژا 19/11/2019ێ د ئیریشه‌كا باله‌فرێن جه‌نگێ ئێن تركیێ ده كو ئیستخباراتا وی ولاتی «میت» ێ پیلان ژ بۆی دانابوو هات كوشتن.
هاته راگه‌هاندن كو ترومبێلا وێ فه‌رماندارا په‌كه‌كێ ل شه‌نگالێ كه‌فتییه به‌ر مۆشه‌كێن باله‌فرێن تركیێ و ب ته‌مامی هاتیه ژناڤبرن.
ئارته‌شا تركیێ دبێژه: «مه‌دیا ئه‌گید» د لیستا سۆر یا داخوازكریێن وێ دا بوو و لێگه‌ریان ل سه‌ر به‌رده‌وام بوو.
«مه‌دیا ئه‌گید» ل سالا 1997ێ ته‌ڤلی په‌كه‌كێ ببوو و ل سالا 2000ێ ده‌ست ب چالاكیێن چه‌كداری كریه و شه‌ر دژی تركیێ ده‌ست پێ كربوو.
ل سالا 2010ێ ل قه‌ندیلی و ل سالا 2014ێ ل ئه‌نیا مه‌خموورێ ئه‌ركێن فه‌رمانداریێ پێ دهێنه دان، ل ڤێ داویێ د ناڤا «یه‌ژا ستارێ» یا شاخا ژنان ئه‌رك وه‌رگرتن و ل شه‌نگالێ به‌رپرسیارا شاخا ئه‌سكه‌ری یا وێ رێخستنێ بوو.
