دو له‌شكرێن ئارته‌شا تركیێ ل باشوور و رۆژئاڤا كوردستانێ هاتن كوشتن و یه‌كێ دن بریندار كه‌تیه، ئه‌ڤ یه‌ك ل گۆر وه‌زاره‌تا پاراستنا نه‌ته‌وه‌ئی یا تركیێ.
وه‌زاره‌تا پاراستنا نه‌ته‌وه‌ئی یا تركیێ د به‌یانه‌كه نڤیسكی ده ئه‌شكه‌ره كر، ل سینۆرێ باژارێ گرێ سپی و ژ ئەنجاما ئێریشەکێ كو ب گوللـه هاونان دوهـ رۆژا دوشه‌می 2/12/2019ێ هاتیه كرن، له‌شكره‌كێ وی وەلاتی ھات کوشتن.
هه‌ر وها ده‌ست نیشان كر كو ئه‌و له‌شكرێ وان ب ده‌ست ته‌رۆریستان هاتیه كوشتن، لێ زه‌لال نه‌كر كانێ چ ئالیه‌كه وان ب ته‌رۆر ب ناڤ كریه.
د بەشەکە دن یا داخویانیا وەزارەتا پاراستنا نه‌ته‌وه‌ئی یا ترکیێ دە ھاتیە: له‌شكره‌كێ دن یێ وان ل سینۆرێ ئۆپەراسیۆنا په‌نجێ3 کو دکەڤە ناڤچەیێن سینۆری یێن باشوورێ کوردستانێ، ھاتیە کوشتن و له‌شكره‌كێ دن بریندار كه‌تیه.
ل گۆر داخویانیێ، ئەو له‌شكر ژ ئەنجاما پەڤچوونەکە ل گەل گەریلایێن پارتیا كاركه‌رێن كوردستانێ ل باشوورا ولات ھاتنە کوشتن و بریندارکرن.
