ئالیكاریا ئه‌مه‌ریكایێ ژ بۆ باشوورێ كوردستانێ وێ بدۆمه
سه‌رۆك وه‌زیرێ هه‌رێما باشوورێ كوردستانێ ئیرۆ ل گه‌ل نوونه‌رێ سه‌رۆكێ ئه‌مه‌ریكایێ جڤیا، تێكلیا دوئالی و خه‌ته‌را رێخستنا ته‌رۆریستی ئا دائیشێ نیقاش كرن.
مه‌سروور بارزانی، سه‌رۆك وه‌زیرێ هه‌رێما باشوورێ كوردستانێ، ئیرۆ رۆژا شه‌می 7/12/2019ان پێشوازی ل جێمس جێفری نوونه‌رێ سه‌رۆكێ ئه‌مه‌ریكایێ ژ بۆ هه‌ڤپه‌یمانێتیا ناڤنه‌ته‌وه‌ئی ئا ل دژی دائیشێ كر.
د هه‌ڤدیتنێ ده، هه‌ردوئالیان مه‌له‌فا تێكلیێن هه‌رێما باشوورێ كوردستانێ و ئه‌مه‌ریكایێ، خه‌ته‌را رێخستنا ته‌رۆریستی ئا دائیشێ، ره‌وشا هه‌رێما باشوور و ئیراقێ و هه‌موه‌خت ره‌وشا ناڤچه‌یێ نیقاش كرن.
مه‌سروور بارزانی ئه‌شكه‌ره كر، هكوومه‌تا ئه‌مه‌ریكایێ پابه‌نده ب وێ دۆستاتیا دیرۆكی كو ل گه‌ل هه‌رێما باشوورێ كوردستانێ هه‌یه.
ژ ئالیێ خوه‌ڤه، جێمس جێفری گۆت: «ئه‌و شانازیێ ب قوربانیدانا گه‌لێ باشوورێ كوردستانێ د جه‌نگا دژی دائیشێ ده دكه‌ن و ته‌كه‌ز كر، ئالیكاریا ئه‌مه‌ریكایێ ژ بۆ كوردستانێ وێ بدۆمه».
