پارتیا كاركه‌رێن كوردستانێ هه‌ژماره‌كه دن ئا گه‌ریلایێن خوه ژ ده‌ستدان، 3 ل هه‌رێما هه‌فته‌نینێ باله‌فران هه‌ده‌ف كرن، 4 ژی كو ژ قادێن باشوور فیرار كربوون، ل باكورێ كوردستانێ ته‌سلیم بوون.
ناڤه‌ندا چاپه‌مه‌نیێ یا هێزێن پاراستنا گه‌ل هه‌په‌گێ بالێ له‌شكری ئێ پارتیا كاركه‌رێن كوردستانێ په‌كه‌كێ د به‌یانه‌كه نڤیسكی ده ئه‌شكه‌ره كریه، وان ل رۆژێن رابووری 3 گه‌ریلایێن ژن ل هه‌رێما هه‌فته‌نینێ ل باشوورێ كوردستانێ ژ ده‌ستدانه، پشتی كو ژ ئالیێ باله‌فرێن ئارته‌شا تركیێ ڤه هاتینه هه‌ده‌ف كرن.
هه‌په‌گێ ناڤ و وێنه‌یێن وان 3 گه‌ریلایێن خوه وه‌شاندنه و دبێژه: هه‌ر یه‌ك ژ «به‌سێ ئازه‌ر ژ وانێ و چیچه‌ك كیچی و سیاژن ده‌ڤرین ژ شرنه‌خێ» ل داویا مه‌ها رابووری د ئێریشا ئاسیمانی ده ل هه‌رێما هه‌فته‌نینێ جانێ خوه ووندا كرنه.
د ئالییه‌كێ دن ده، چاڤكانیێن باكورێ كوردستان و هه‌موه‌خت ئارته‌شا تركیێ ته‌سبیت كرنه كو 5 گه‌ریلایێن دن كو ژ قادا باشوورێ كوردستانێ فیرار كرنه، ته‌سلیمی هێزێن ئه‌وله‌كاریێ بوون.
