ھەرێما کوردستانا باشوور ھشیاری ددە ژ بۆ خورتبوونا دائیشێ

سەرۆکاتیا ھەرێما کوردستانا باشوور راگھاند گەر کو ئالۆزیێن ئیراقێ دەوام بکن ئیھتمال ھەیە رێخستنێن تەرۆری یێن مینا دائیشێ ژ نوو ڤە خورت ببن.

سەرۆکاتیا هەرێما باشوورێ کوردستانێ دوھ ژ بۆ فەرماندارێ ھێزا قودسێ یا ئارتێشا مھافزێن شۆرەشا ئیرانێ قاسم سلێمانی و ئالیکارێ سەرۆکێ ھەشدا شەئبیێ ئەبو مەھدی ئەل-موھەندسێ کو د ئێریشا ئامەریکایێ دا ھاتن کوشتن، داخویانیەکە نڤیسکی وەشاند.

د داخویانیێ دا ھات گۆتن کو د سالێن داوین دا ژ بەر بنپێکرنا سەردەستیا ئیراقێ، رێخستنێن تەرۆری یێن وەک دائیشێ دەرکەتن و پشتی ببیرخستنا کوشتنا سلێمانی و موھەندس ژی ھات ئیداکرن کو ئەو د تێکۆشینا دژی دائیشێ دا خوەدی رۆلەکە گرینگ بوون.

داخویانیێ وھا دەوام کر: “ھەموو ئالی ژ بۆ چارەسەرکرنا پسگرێکێن خوە دڤێ سەری ل ئاشتی و گوفتووگۆیێ بدن، ئەم دخوازین کو ل ھەمبەری سەردەستیا ئراقێ رێز بێ نیشاندان. گەر ئەڤ تەڤلیھەڤی و ئالۆزیا ل ئیراقێ دەوام بکە وێ ھم ھەرێمێ و ھم ژی ئراقێ بەر ب پێشەرۆژەکە نەدیار ڤە ببە و ژ بۆ خورتبوونا رێخستنێن تەرۆرێیێن وەک دائشێ ژی ببە فرسەت.”