بارزانی چاره‌سه‌ریێن دوور ل موزایه‌داتێن سیاسی ژ ئه‌بدولمه‌هدی خوه‌ستن

بارزانی چاره‌سه‌ریێن دوور ل موزایه‌داتێن سیاسی ژ ئه‌بدولمه‌هدی خوه‌ستن

رۆژا شەمی 11/1/2020ان ل باژارێ ھەولێرێ مەسعوود بارزانی سه‌رۆكێ پارتیا ده‌مۆكرات یا كوردستانێ، پێشوازیا ئادل ئه‌بدولمەھدی، سەرۆک وەزیرێ ئیراقێ و شاندەکێ بلند یێ ھکوومەتا ئیراقێ کر.

ل ھەڤدیتنێ دە رەوشا سیاسیا ئیراقێ و پێشھات و ئالۆزیێن ڤێ داویێ یا ئیراق و ناڤچەیێ ھاتە گوفتووگۆ کرن و سەرۆک وەزیرێ ئیراقێ پێزانینێن خوە ژ بۆ ھەلوەستا بارزانی و ھەرێما کوردستانێ یا ل سەر روودانێن ڤێ داویێ یا ئیراقێ ھەبوو و ب ھەلوەستا ھەڤسەنگ و بلند دا زانین و تەکەز ژی ل سەر ھەماھەنگی و برایەتی و پەیوەندیا بەردەوام یا ھەردوو ئالیان کر.

ھەر ل ڤێ ھەڤدیتنێ دە، بارزانی دووپات کر کو ئه‌و خوازیارێ ئه‌وێ یه‌كێ یه‌ كو کێشە و قەیرانێن ئیراقێ چارەسەر ببن و چارەسەریەکە دوور ل موزایەدات و ئەقلانە ژ بۆ نه‌هشتنا پرسگرێكان وه‌ره‌ دیتن و ل چارچووڤه‌یا مەکانیزمێن دەستووری.

ل بەشەکی دنێ ڤێ ھەڤدیتنێ دە ھەر دوو ئالیان تەکەز ل وێ یەکێ کر کو پەیوەندیێن د ناڤبەرا ھەرێم و بەخدایێ ده‌ کەتیە قۆناخەکی ئەرێنی و نوو و بەردەوامیا وێ کەشوھەوایا ئەرێنی یا د ناڤبەرا ھەر دوو ئالیان ده‌ ب پێویست ھاتە زانین.

گەف و مەترسیێن بھێزبوونا تەرۆریستێن دائیشێ مژارەکە دن یا ڤێ جڤینێ بوو.

ھێژایی گۆتنێ یە ل ڤێ جڤینێ دە فازل میرانی سەکرەتەر و د. رۆژ نووری شاوەیس و ھۆشیار زێباری و ئازاد بەرواری و مەھموود مھەمەد و جەعفەر ئێمینکی ئەندامێن پۆلیتبیرۆ یا پارتیا دەمۆکرات یا کوردستانێ ئامادە بوون.