سه‌رۆكێ هه‌رێما كوردستانێ ژ بۆ به‌شداریكرنێ د كۆربه‌ندا ئابووریا داڤۆسێ دا ل ولاتێ سویسرایێ یه و ئیرۆ د په‌راوێزا كۆربه‌ندی دا، دگه‌ل مه‌ولوود چاویشئۆغلو وه‌زیرێ ده‌رڤه‌یێ توركیا كۆمبوو.
پشتی نیڤرۆ یا ئه‌ڤرۆ سێشەمبێ 21/1/2020ێ ل چارچووڤەیا بەشداریکرنێ د ھەڤدیتن و جڤینێن گه‌را 50یێ یا کۆربەندا ئابووریا جیھانیا ل داڤۆسێ، نێچیرڤان بارزانی سەرۆکێ ھەرێما کوردستانێ ل گەل مەولوود چاویشئۆغلو وەزیرێ دەرڤەیێ توركیا كۆمبوو.
سەرۆک نێچیرڤان بارزانی و مەولوود چاویشئۆغلو وەزیرێ دەرڤەیێ توركیا تەکەز ل سەر زێدەتر پێشخستنا پەیوەندیێن ھەرێما کوردستانێ و توركیا و گرنگییا پێکڤە کارکرنا ژ بۆ ئارام کرنا رەوشا ئالۆزا ناڤچەیێ و ڤەگەراندنا ئارامیێ کر.
د كۆمبوونێ دا هه‌ر وها پەیوەندیێن ھەرێما کوردستانێ یێن ل گەل توركیا، پێشھاتێن داویێ یا رەوشا ئیراقێ و ناڤچەیێ ب گشتی، مەترسیێن تەرۆرێ و ئەگەرا بھێزبوونا وێ یا ل ناڤچەیێ، چاوانییا بەرەهنگاربوونا وێ و رۆلا ھێزێن ھەڤپەیمانان ل ڤی دەرباری دا، ھەر وھا چەند پرسەکێن دی ژ بۆ ھەر دو ئالیان گرنگبوون، ھاتن نرخاندن و دانوستاندنا بیر و رامانان ل سەر کرن.
