د وێ ئۆپەراسیۆنا کو سازیێن ئەولەهیا ترکیێ ل دژی پەکەکێ ل لجە و قولپا ناڤچەیێن دیاربەکرێ ئەنجام دای ٥ ستارگەھ ھاتن ئاشکەرا کرن و چەک و جەبلخانە ھاتن بدەستخستن.
والیتیا دیاربەکرێ د داخویانیێ دا راگھاند کو فەرمانداریا جەندەرمەیان ل باژێر د ناڤ سینۆرێن لجەیێ دا ئۆپەراسیۆن ب سەرکەفتیانە ئەنجام دایە.
د ئۆپەراسیۆنێ دا ٥ ستارگەھێن گەریلایێن پەکەکێ هاتن ئاشکرا کرن، و پشتی ئاشکرا کرنێ ھاتن ژناڤبرن.
تەقەمەنیا ٣٠ کیلۆیی یا بدەستچێکری کو ل کەڤیا شڤەرێیا گوندەوارێ گۆما ئاکچاپنارا سەر گوندێ شەنلکا لجەیێ ھات دیتن ب پەرگالا تەقەمەنیێ ڤە ھات ژناڤبرن.
د چارچۆڤەیا ئۆپەراسیۆنێ دا دو دەمانچە، دو تڤنگێن نێچیرێ یێن قاچاخ، ٥ گولەیێن سەوقێ یێن جەبلخانەیا رۆکەتاڤێژان، ٥٠ گولەیێن تڤنگێن بماکینە، ٩٠ گولەیێن تڤنگێ، ٨٣ گولەیێن تڤنگا نێچیرێ، ٢٢٥ جھێن بۆمبەیێن دەستان، گەلەک تشتێن دن، جل و بەرگ، خوارن و خورەکێن ژ بۆ ژیانێ ھەوجە دکن ھاتن بدەستخستن.
د داخویانیێ دا ھات گۆتن کو ل ھەرێمێ ژ بۆ پێکھاتنا هەبوون و ئارامیا گەل ھەموو ئۆپەراسیۆنێن ل دژی پەکەکێ تێن کرن وێ ب بریارداری دەوام بکن.
