سه‌رۆكێ پارتییا ده‌مۆكرات یا كوردستانێ و رێبه‌رێ ملله‌تێ كورد په‌یامه‌ك ل ده‌ربارا ره‌وشا داویێ یا ئیراقێ وه‌شاند و گۆت: «دخوازین حكوومه‌تا فیدرال ب ئه‌ركێ خوه رابیت و رێگریێ ل خوینرێشتنێ بكه‌ت».
ئه‌ڤ ژی ده‌قێ په‌یاما بارزانی یه:
گەلەک دلگرانین ژ پێشکەتنێن توندی و روودانێن خویناوی یێن ل چەند رۆژێن بووری ل بەغدا و نەجەفێ رووداین و ب توندی شەرمەزارییا خوینرێشتن و کوشتن و بكارئینانا توندوتیژیا ل دژی خوەپێشاندەران دکه‌ین.
داخواز دکه‌ین حکوومەتا ئیراقی و دامودەزگەھێن فەرمی و پەیوەندیدار ئەرکێن خوە بجهـ بینن و رێگرتنێ ل خوینرێشتن بكه‌ن و جانێ وه‌لاتی و خوەپێشاندەران بپارێزن.
پێدڤییه ئالیێن سیاسی ژی ژ بۆ گه‌هشتن ب چارەسەریێ، ب زمانێ عه‌قل و مەنتقی سه‌ره‌ده‌ریێ ل گەل ڤێ قەیرانا کوور دا بکه‌ن کو روو ل ئیراقێ گرتییە.
ھەر ژ بۆ ڤێ پشتەڤانییا خوە ژ بۆ داخوازیێن رەوا یێن خوەپێشاندەران و وه‌لاتییان دوپات دکه‌ین و سەرخوەشیێ ل کەسوکارێن قوربانییان و شەھیدێن روودانێن ڤێ داویێ یێن ئیراقێ دکه‌ین و ھێڤییا باشبوونا بلەز ژی ژ بۆ برینداران دخوازین.
مه‌سعوود بارزانی
6/2/2020
