خۆپێشاندان دەربرینەکە ژ رایەکا ب کۆم ب ئاوایێ گڤاشتنێ ژ پێخەمەت ب دەستڤەئینانا ھندەک داخوازییان، لدووڤ رێكکەفتنامه‌یا مافێن مرۆڤی، خۆپێشاندان مافەکێ سەرەکی یێ ھەر تاکە کەسەکی یە، بەشەکە ژ مافێ دەربرینێ ژ بووچوونێ و بەشەکە ژ پشکدارییا سیاسی یا وه‌لاتییان د جیھانا ئەڤرۆکە دا.

ژبلی داعشێ وەلاتفروشێن خۆمال رەوشا ھەرێما باشوور خرابكر

یا خۆیایە پشتی ھاتنا رێخستنا تیرۆرستییا داعشێ ل سالا 2014ێ بۆ وەلاتێ ئیراقێ و ھەرێما کوردستانێ، باندۆرەکا خراپ ل سه‌ر رەوشا ھەرێما باشوورێ کوردستانێ کر و بوو ئەگەرێ پەکخستنا رەوشا ژیارا وه‌لاتییان ل ھەرێما کوردستانێ، هه‌روه‌ها پاش ریفراندۆما سه‌رخوه‌بوونا ھەرێما باشوور ل سالا 2017ێ و بڕینا بەشه‌ بودجەیا ھەرێما کوردستانێ ژلایێ وەلاتێ ئیراقێ ڤە لدووڤ داخوازا ھندەک وەلاتفروشێن خۆمالی ئێدی رەوشا ھەرێما کوردستانێ ژ ھەموو لایان ڤە کەفتە د مەترسییەکا مەزن دا، ب تایبەت تەخا فەرمانبەرێن میری کو کارتێکرنەکا راستە راست ل سه‌ر رەوشا ژیارا وان کر.

یا پێدڤی ژ بۆ وه‌لاتیێن ھەرێما باشوورێ کوردستانێ نەھاتییە کرن

رۆلێ وه‌لاتیێن ھەرێما کوردستانێ د دەربازکرنا ئەڤان قەیران و نەخۆشییان دا ژ ھەژی پەسن و دەست خۆشیێن مەزنە کو د خراپترین روژێن خۆ دا ھەلگرێن ئارامی و بێھنفرەھیێ بووینە بەرانبەر ئەوان ئاستەنگ و نەخۆشیێن روی ب روی ژیانا وان بووین، سەرارەی د نوکە دا رەوشا ھەرێما کوردستانێ بەرەڤ باشتر گاڤ ھاڤێتیە، لێ بەلێ ھەر وەک یا پێدڤی ژ بۆ وه‌لاتیێن ھەرێما باشوورێ کوردستانێ نەھاتییە کرن و د راستا وه‌لاتیێن خوە دا حکومەتێ کەمتەر خەمی ھەیە، ژ بەر کو تا نوکە گرنگترین پێدڤیێن وه‌لاتیێن ھەرێما کوردستانێ نەھاتینە دابین کرن ژ وان نەدانا پاشکەفتێ چەند مووچەیان یێن سالێن دەرباز بوویی، ھەردیسان نەدابینکرنا ئاستێ پێدڤی یێ کارەبێ و پێنەدانا سۆتەمەنییان کو ئەڤە ھەمی ژ پێدڤیێن ھەرە گرنگن د ژیانا وه‌لاتییان دا.

سەیره‌ کەسەک نەشێت قەرزێن خەلکی بدەت پەنایێ دبەتە تێكدانێ

ھەردیسان پشتی پەسەندکرنا پرۆژه‌یێ چاکسازیێ ژ لایێ پەرلەمانێ ھەرێما باشوورێ کوردستانێ و ئیمزاکرنا پرۆژە یاسایێ ژ لایێ سەروکێ ھەرێما کوردستانێ ڤە ل 3/2/2020ێ کو ئێک ژ برگەیێن پرۆژە یاسایێ پێدڤییە بازرگانێن قەرزێن حکوومەتێ ل دەڤ وان ب زووترین دەم ئەڤان قەرزان ڤەگەرینن بۆ حکوومەتێ، یا سەیر ئەو بوویە کو کەسەک نەشێت قەرزێن خەلکی بدەت پەنایێ دبەتە بەر ھندەک ئاراستەیێن دیتر کو خو ل قەرزێن حکومەتێ ڤەشێریت و پەنایێ دبەتە بەر خۆپێشاندانێن سەرتاسەری ل ھەرێما کوردستانێ ل دژی حکوومەتێ.

خوه‌پێشاندان دوور ژ تێكدانا ئارامیێ مافه‌

داخوازکرنا ماف و پێدڤیێن وه‌لاتییان ب خوپێشاندانان مافەکێ سەرەکی یێ وه‌لاتیێن ھەرێما کوردستانێ یە کو ب ئەڤێ چەندێ رۆلێ خۆ بگێرن بەلێ دویر ژ کاریگەری و پالپشتییا پارت و لایەنێن سیاسی یێن ناڤخوە و دەرەکی دا، دویر ژ بکارئینانا ئالاڤ و رێکارێن نەئاشتییانە کو ببنە ئەگەرێ تێکدانا سەقامگیری و ئاساییش و ئارامییا ھەرێما کوردستانێ.

[mpc_image preset=”mpc_preset_11″ image=”1013327″ image_size=”320×460″ image_opacity=”100″ image_border_css=”border-width:1px;border-color:#009fbf;border-style:solid;border-radius:20px;” image_inner_border_gap=”0″ effect=”none” image_hover_opacity=”100″ image_hover_border_css=”border-color:#f2f2f2;” overlay_overlay_effect=”slide-right” overlay_background=”rgba(255,255,255,0.8)” overlay_enable_lightbox=”true” overlay_icon=”etl etl-magnifying-glass” overlay_icon_color=”#6ec2d3″ overlay_icon_size=”70″ overlay_icon_mirror=”true” mpc_ribbon__font_preset=”mpc_preset_77″ mpc_ribbon__font_size=”18″ mpc_ribbon__font_transform=”capitalize” mpc_ribbon__font_align=”right”]