پێنج حالەتێن دن ئێن کۆرۆنایێ ل سلێمانیێ هاتن تەسبیت کرن

پێنج حالەتێن دن ئێن کۆرۆنایێ ل سلێمانیێ هاتن تەسبیت کرن

وەزارەتا ساخلەمیا هکوومەتا هەرێما کوردستانێ، ئیرۆ رۆژا یەکشەمی 15/3/2020ان راگهاند کو پێنج کەسێن دن ل سلێمانیێ تووشی ڤیرۆسا کۆرۆنا بوونە.

وەزارەتا ساخلەمیا هەرێما کوردستانێ ئەشکەرە کر، د بەردەوامیا وەرگرتنا تێستان ژ کەسێن گومانلێکری یێن هلگرێن ڤیرۆسا کۆرۆنا، پێنج تووش بوویێن دن ب ڤیرۆسا کۆرۆنایا نوو (کۆڤید ١٩) ل باژارێ سلێمانیێ هاتن تەسبیت کرن.

وەزارەتا ساخلەمی دەست نیشان کر کو کەسێن نوو تووشی ڤێ ڤیرۆسێ بووی، برایەک و دو زارۆیێن وی کەسینە یێن کو ئیرۆ تووشی ڤێ ڤیرۆسێ بووی، هەر وەها خزمەک و خوشکا تووشبوویەکی پیش نها، کو جانێ خوە ژ دەست دابوو.