باشوورێ كوردستانێ سه‌نته‌رێ زانیاریێن كۆرۆنایێ راگه‌هاند

حكوومه‌تا باشوور سه‌نته‌رێ زانیاریێن كۆرۆنایێ راگه‌هاند

حكوومه‌تا باشوورێ كوردستانێ ئیرۆ سه‌نته‌رێ زانیاریێن كۆرۆنایێ راگه‌هاند و داخواز ژ وه‌لاتییان كر پابه‌ندییا ته‌مام ب رێنمایێن حكوومه‌تێ بكه‌ن.

د. جۆتیار عادل، په‌یڤدارێ حكوومه‌تا هه‌رێما باشوورێ كوردستانێ ئیرۆ رۆژا پێنجشه‌می 19/3/2020ێ راگه‌هاند، سه‌نته‌رێ زانیاریێن تایبه‌ت ب ڤایرۆسا كۆرۆنا یا نوو (كۆڤید-19) هات ڤه‌كرن كو دێ تایبه‌ت بیت ب به‌رسڤدانا پرسێن وه‌لاتییان ل ده‌ربارا ڤێ نه‌خۆشیێ.

د. جۆتیار عادل، داخواز ژ وه‌لاتییان كر، پابه‌ندی رێنمایێن حكوومه‌تێ بن ژ بۆ كو رێ ل زێده‌تر به‌لاڤبوونا ڤایرۆسێ بهێت گرتن.

ل گۆر داتایێن فه‌رمی 40 كه‌یسێن تووشبوونێ ب ڤایرۆسا كۆرۆنایێ ل هه‌رێما باشوورێ كوردستانێ هاتنه‌ ته‌سبیت كرن، پرانییا وان د ته‌مه‌نا 30 بۆ 39 سالیێ دانه‌ و 6 كه‌یس د ته‌مه‌نێ 60 سالیێ دانه‌ و 4 كه‌یس زارۆنه‌، ژ ڤێ هه‌ژمارێ 13 كه‌س ساخ بوونه‌ و ڤه‌گه‌رینه‌ مالێن خوه‌.

كه‌یسێن هه‌رێما باشوورێ كوردستانی ب ڤی ئاوایی نه‌، 29 ل سلێمانیێ، 9 ل هه‌ولێرێ و یه‌ك ل پارێزگه‌ها دهۆكێ و یه‌ك ل پارێزگه‌ها هه‌له‌بجه‌.