ل قەندیلی دربه‌كێ مەزن ب پەکەکێ کەت

په‌كه‌كه‌ قه‌ندیل

ل قەندیلێ د ئۆپەراسیۆنەکا هەڤبەش یا میت و ئارته‌شا دەولەتا ترکیێ دا «خالیدە تاریا» ئەنداما کۆنسەیا رێڤەبه‌ریێ یا کۆما ژنێن کوردستانێ KJK ھاته‌ کوشتن.

ئیرۆ رۆژا ئەینی رێکەفتی 20/3/2020ان چاڤکانیێن مەدیایی یێن ترکیێ نووچه‌یا کوشتنا یەک ژ رێڤەبەرێن کۆنسەیا رێڤەبەر یا کۆما ژنێن کوردستانێ KJKێ یا شاخا ژنان یا پەکەکێ دا.

ل گۆر ئاگاھیێن چاڤکانیێن ئەولەھیێ ل قەندیلێ ل 9ێ ئادارێ، د ئۆپەراسیۆنا ئاسمانی یا میت و ئارته‌شا ترکیێ دا، «خالیدە تاریا» ب کۆد ناڤێ «ئایتەن ئامەد» کو ئەنداما کۆنسەیا رێڤەبریێ یا کۆما ژنێن کوردستانێ KJK یا شاخا ژنان یا پەکەکێ یه‌ ھاتییە کوشتن.

ل گۆر ئاگاھیان «خالیدە تاریا» ل 2017ێ ژ بۆ ئەندامه‌تییا کۆنسەیا رێڤەبریێ یا KJKێ ھاتییە ئه‌ركدار كرن و د ھەمان دەمێ دا ل قادا قەندیلێ یا پەکەکێ/کەجەکێ تەڤی ئەبوزەید ساکجاک یێ ب كۆد ناڤێ «عەلی کچی» بەرپرسیار بوویە.