باشوورێ كوردستانێ قه‌ده‌غه‌ 8 رۆژان درێژكر

حكوومه‌تا باشوورێ كوردستانێ ژ بۆ پاراستن و رێگرتنێ ل زێده‌تر به‌لاڤبوونا ڤایرۆسا كۆرۆنا یا نوو (كۆڤید-19) قه‌ده‌غه‌یا كو هاتییه‌ راگه‌هاندن، 8 رۆژێن دی درێژ كر.

وه‌زاره‌تا كارێن ناڤخۆ یا حكوومه‌تا باشوورێ كوردستانێ ئیرۆ رۆژا ئێكشه‌مبێ 22/4/2020ێ بریار دا قه‌ده‌غه‌یا ده‌ركه‌تنا ژ مالێ و هاتنوچوونێ ب هه‌موو ئاوایه‌كی بهێته‌ درێژ كرن و هه‌تا رۆژا 1/4/2020ێ.

ل گۆر بریارا وه‌زاره‌تا كارێن ناڤخۆ، قه‌ده‌غه‌ هاتنوچوونا ب پێیان و بێی ترومبێل ژی ڤه‌دگریت، ته‌نێ ژ بۆ كارێن پێویست و نه‌خوه‌شییان نه‌بیت.

حكوومه‌تا باشوورێ كوردستانێ ل 19/3/2020ێ قه‌ده‌غه‌یا ده‌ركه‌تنێ ل سه‌رانسه‌ری باشوورێ كوردستانێ راگه‌هاندبوو، درێژكرنا وێ یا ئیرۆ ژی هه‌موه‌ختا هۆشداریێن وه‌زاره‌تا ته‌ندروستیێ دهێت كو دوهی دیار كربوو ڤایرۆسا كۆرۆنایێ كه‌تییه‌ ناڤ كۆلان و تاخان و ئه‌و یه‌ك ب خه‌ته‌ر ب ناڤ كر.

هه‌ر ئیرۆ مه‌سروور بارزانی سه‌رۆكێ حكوومه‌تا باشوورێ كوردستانێ راگه‌هاند، ژ بۆ رێگرتنێ ل زیده‌تر به‌لاڤبوونا ڤایرۆسا كۆرۆنایێ ل هه‌رێما باشوورێ كوردستانێ، پێویسته‌ خه‌لك زێده‌تر پابه‌ندی رێنمایێن وه‌زاره‌تێن ناڤخۆ و ته‌ندروستیێ ببن و گۆت: «هیڤیدارم خه‌لك بابه‌تا ڤایرۆسێ ب جدیدتر وه‌ربگرن».