زارۆیه‌كێ كورد ب ڤێ نه‌خۆشیێ مر

زارۆیه‌كێ كورد ب ڤێ نه‌خۆشیێ مر

زارۆیه‌كێ كورد ب سه‌ده‌ما ڤایرۆسا كۆرۆنا یا نوو جانێ خوه‌ ژ ده‌ست دا، ئه‌ڤ ژی ب كه‌یسه‌كا ده‌گمه‌ن تێ هه‌ژمارتن ژ بۆ كو وه‌كه‌ دختۆر دبێژن زارۆ پێتر پاراستی نه‌.

هه‌رێما خوراسانێ ل باكورێ ئیرانێ كو هه‌ژماره‌كه‌ هه‌ری زێده‌ یا كوردان لێ دژین، د راگه‌هاندنه‌كێ دا به‌لاڤ كر، هه‌تا نها 189 كه‌س ل پارێزگه‌ها خوراسانێ ب ڤایرۆسا (كۆڤید-19) جانێ خوه‌ ژ ده‌ست دانه‌، ئیرۆ ژی زارۆیه‌كێ ته‌مه‌ن 6 سال ب هه‌مان سه‌ده‌مێ جان ژ ده‌ست دا.

ده‌ست نیشان كر، ل هه‌رێما خوراسانێ هه‌تا نها 99 كه‌س ژ ڤایرۆسێ ساخ بوونه‌، لێ به‌لێ د 24 ده‌مژمێرێن رابووری دا 19 كه‌سان جانێ ژ ده‌ست دانه‌، یه‌ك ژ وان زارۆیه‌كێ ته‌مه‌ن 6 سالی یه‌.

تێ زانین بچووكترین قوربانیێ ڤایرۆسا كۆرۆنایێ ل جیهانێ زارۆیه‌كێ 3 سالی بوو كو ل باژارێ ووهان یێ هه‌رێما هۆبی یا رۆژهلاتا چینێ بوو، ئه‌ڤ ژی ب دووه‌م قوربانی تێ هه‌ژمار كرن.

ل گۆر وه‌زاره‌تا ته‌ندروستیێ یا هه‌رێما باشوورێ كوردستانێ، ئیرۆ رۆژا سێشه‌می 24/3/2020ێ تووشبوونا 2 زارۆیان ب ڤایرۆسا (كۆڤید-19)ێ هات ته‌سبیت كرن.

ژ روویێ تۆمار كرنا كه‌یسێن زۆر یێن مرنێ، ئیران پاش هه‌ر یه‌ك ژ ولاتێن ئیتالیا و چینێ ل ئاستا جیهانێ تێ، ئانكو ل رێزا سێیان، هه‌تا نها هه‌ژمارا تووشبوویێن وێ گه‌هشتییه‌ 23 هه‌زار و 49 كه‌سان و هه‌زار و 376 كه‌س ژی ساخ بوونه‌، هه‌زار و 812 كه‌یسێن مرنێ هه‌نه‌.

پوستێن ھەمان بەش