به‌لاڤبوونا كۆرۆنایێ د په‌كه‌كێ دا 100% راست ده‌رچوو

به‌لاڤبوونا كۆرۆنایێ د په‌كه‌كێ دا 100% راست ده‌رچوو

تێستا گه‌ریلایه‌كی پۆزه‌تیڤ ده‌ركه‌ت

به‌لاڤبوونا ڤایرۆسا كۆرۆنا یا نوو (كۆڤید-19) ل ناڤ رێخستنا پارتییا كاركه‌رێن كوردستانێ هاته‌ پشتراست كرن، پاش كو تێستێن هنه‌ك گه‌ریلایان ب پۆزه‌تیڤ ده‌ركه‌تین.

چاڤكانیێن پێگه‌ها «داركا مازی» ل باكورێ كوردستانێ، هنه‌ك پێزانینێن تایبه‌ت ژ برێڤه‌برییا ته‌ندروستییا باژارێ بدلیسێ وه‌رگرتنه‌ و ته‌سبیت بوو كو ل رۆژا سێشه‌مبا رابووری 24/3/2020ێ ل سینۆرێ بدلیسێ و پاش كو باله‌فرێن بێ پیلۆت حه‌ره‌كه‌تێن گه‌ریلایێن په‌كه‌كێ هه‌ده‌ف كرین، 3 گه‌ریلا هاتنه‌ كوشتن و ل گۆر رێكارێن ته‌ندروستیێ، تێستێن كۆرۆنایێ ژ بۆ گه‌ریلایێن به‌رته‌ره‌ف كری هاتنه‌ كرن و ئه‌نجاما یه‌ك ژ  وان ب پۆزه‌تیڤ ده‌رچوو.

ته‌ندروستییا بلدیسێ ژ بۆ پێگه‌ها «داركا مازی» ئه‌شكه‌ره‌ كر، یه‌ك ژ مالباتێن سینۆرێ بلدیسێ كو تێكهه‌لی ل گه‌ل وان گه‌ریلایان كری، هاتنه‌ كه‌ره‌نتین كرن.

گه‌ریلایێن كو د ئۆپه‌راسیۆنا 24 ئادارێ دا هاتنه‌ به‌رته‌ره‌ف كرن، ژ ئیرانێ هاتنه‌ ناڤ رێخستنێ، له‌وما نها گۆمان هه‌یه‌، ڤایرۆسا (كۆڤید-19)ێ ل ناڤ ته‌ڤ رێخستنێ به‌لاڤه‌بوویه‌.

«داركا مازی» ل رۆژا چارشه‌مبا رابووری 25/3/2020ێ، نووچه‌یا به‌لاڤبوونا ڤایرۆسا كۆرۆنایێ ل ناڤ په‌كه‌كێ وه‌شاندبوو، ئانكو ب رۆژه‌كێ پاش وێ ئۆپه‌راسیۆنا ل بدلیسێ هاتییه‌ ئه‌نجام دایین، د وێ نووچه‌یێ دا ئه‌وێ چاڤكانیێن «پێگه‌ها مه» ل رۆژهلاتا كوردستانێ شاندین، تێدا هاتبوو ده‌ست نیشان كرن كو كۆرۆنا ب رێیا ئیرانێ گه‌هشتییه‌ ناڤا په‌كه‌كێ، پاش كو هنه‌ك رایه‌دارێن په‌كه‌كێ و سپایێ پاسدارێن ئیرانێ ل باژارێن شنۆ و سه‌رده‌شتێ جڤینه‌ك پێكئانی.

پاش ڤەگەرینا ڤان رایەدارێن پەکەکێ ژ بۆ چیایێ هەلگۆرد یێ سەر ب باژارێ چوومانێ ڤه‌، ڤایرۆس ل جه‌م هنەک گەریلایێن پەکەکێ ته‌سبیت ببوو.

ئه‌ڤه‌ ژ بلی كو په‌كه‌كه‌ كه‌لوپه‌لێن خوه‌ یێ، خوارنێ و پێویستیێن خوه‌ ژ ئیرانێ هاورده‌ دكه‌ت‌ و ئه‌ڤ كه‌لوپه‌لێن وان بێ رێكارێن ته‌ندروستیێ تێن باشوورێ كوردستانێ، ئه‌ڤ ژی ئه‌گه‌را به‌لاڤبوون و گه‌هشتنا ڤایرۆسێ بۆ ناڤا په‌كه‌كێ پێتر دكه‌ت.

چاڤكانیێن «داركا مازی» ل باشوورێ كوردستانێ، ئیرۆ رۆژا ئێكشه‌مبێ 29/3/2020ێ ل گه‌ل هنه‌ك ژ خه‌لكێ ناڤچه‌یا به‌رواری بالا و ئامێدیێ ئاخڤینه‌ و ئه‌شكه‌ره‌ بوو كو ئێدی ترسا ئاكنجیێن گوندێن سینۆری ل باشوور و ب تایبه‌ت خه‌تا گوندێن ل گه‌ل په‌كه‌كێ، نه‌ ته‌نێ ژ ئێریشێن ده‌وله‌تا داگیركار یا تركیێ یه‌، لێ به‌لێ نها خه‌لكێ وان گوندان ترس هه‌یه‌ په‌كه‌كه‌ كۆرۆنایێ ل ناڤا وان دا به‌لاڤه‌بكه‌ت.