هۆشدارییا باشوورێ كوردستانی ل ده‌ربارا گازا سارین

حكوومه‌تا باشوورێ كوردستانێ، ئیرۆ هه‌موو به‌حسێن ل ده‌ربارا به‌لاڤبوونا گازا سارین ب نه‌راست دان زانین و هۆشداری دان هه‌ر كه‌س و ئالییه‌كێ ڤیدیۆ و نووچه‌یێن بێ بنه‌ما ل ڤێ ده‌ربارێ دا به‌لاڤ بكه‌ت.

پاش زێده‌بوونا نووچه و به‌حسێن جودا ل ده‌ربارا به‌لاڤبوونا گازا سارین و گرێدانا ڤێ بابه‌تێ ب ڤایرۆسا كۆرۆنا یا نوو (كۆڤید-19)، وه‌زاره‌تا ته‌ندروستیێ یا حكوومه‌تا باشوورێ كوردستانێ، ئیرۆ رۆژا یه‌كشه‌می 5-4-2020ێ ئه‌ڤ هه‌موو به‌حس‌ ره‌ت كرن و ب بانگه‌شه‌ و بێ بنه‌ما ب ناڤ كرن.

وه‌زاره‌تا ته‌ندروستیێ ده‌ست نیشان كر، چ راستییه‌ك ژ بۆ به‌لاڤبوونا گازا سارین نینه‌ و هه‌ر كه‌س و ئالییه‌كێ ئێدی بانگه‌شێ ژ بۆ ڤێ بابه‌تێ بكه‌ت، دێ هێته‌ سزادان.

وه‌زاره‌تا ته‌ندروستیێ یا حكوومه‌تا باشوورێ كوردستانێ، داخواز ژ هه‌مولاتییان كر خوه‌ ژ ڤان جۆره‌ نووچه‌یێن نه‌راست دوور بێخن و دیار كر كو ته‌نێ وه‌زاره‌ت و سازیێن حكوومه‌تا باشوور، چاڤكانییا سه‌ره‌كی یا هه‌ر نووچه‌یه‌كێ نه‌ ل ده‌ربارا پرسێن هه‌ڤئاوا.