سهرۆكێ ههرێما باشوورێ كوردستانێ، ئیرۆ پهیامهك ل دهربارا رهوشا تهندروستییا سهرۆكوهزیرێ بهریتانیایێ راگههاند و تێدا داخوازا سهلامهتیێ ژ بۆ بۆریس جۆنسۆن كرییه.
نێچیرڤان بارزانی، سهرۆكێ ههرێما باشوورێ كوردستانێ، ل ئهكاونتا خوه یا تویتهرێ نڤیساندییه: «دوعا و نزایان ژ بۆ بۆریس جۆنسۆن، سهرۆك وهزیرێ بهریتانیایێ دكین، د ڤێ رهوشا ب زهحمهت ده هزر و هشێن مه ل جهم وی و مالبات وتهڤاهییا گهلێ بهریتانیایێ نه، ب هێڤییا سهلامهتییا بلهز».
بۆریس جۆنسۆن، سهرۆكوهزیرێ بهریتانیایێ ل حهفتییا رابووری تووشی ڤایرۆسا كۆرۆنا یا نوو (كۆڤید-19) ببوو، دوهـ رۆژا یهكشهمی ژ بۆ نهخوهشخانێ هات ڤهگوهاستن، پشتره ئیرۆ ژ بۆ یهكهیا چاڤدێرییا چر.
ئۆفیسا بۆریس جۆنسۆن، ئیرۆ ئهشكهره كر، رهوشا بۆریس جۆنسۆن تێكچوویه و وی خوهستییه وهزیرێ دهرڤه دۆمێنیك راب، جیێ وی د برێڤهبرنا كارێن دهولهتێ ده بگریت.