پهكهكه: «دهولهتان كۆرۆنا بهلاڤ كریه، داكو ئێختیاران خهلاس بكن»
هەرچەند کو ئاژانسا ئانادۆلویێ ئا سەر ب ھکوومەتا ترکیێ ڤە، د ٧ێ جۆتمەھا سالا ٢٠١٩ان دە راگھاندبوو کو ئارتێش و ئیستیخبارەتا ترکیێ ب ئاوایەکی ھەڤبەش ل دژی قەندیلێ ئۆپەراسیۆنەک ئەنجام دانە و د وێ ئۆپەراسیۆنێ دە، سەرکردەیا پەکەکێ ئا ب ناڤێ، «ئایفەر کۆردوع» ھاتییە ئارمانج گرتن و کوشتن، لێ بەلێ ئەڤ خەبەر ئیرۆ ب دەرکەتنا ئایفەرێ و داخویانی دان ل سەر ڤیرۆسا کۆرۆنایێ درەو دەرکەت.
ل گۆر داخویانییا ئاژانسا ئانادۆلێ، د ئێرشەکە ئاسمانی دە کو رۆژا 13ی ئیلۆنێ ئا سالا رابووری 2019ێ ھاتییە ئەنجامدان، «ئایفەر کۆردوع» ژیانا خوە ژ دەست دابوو.
ئەنداما کوردیناسیۆنا کۆمێن ژنێن کوردستانێ کەژەکێ، «بەسێ ئەرزینجان»، ل دەربارێ مژارا ڤیرۆسا کۆرۆنایێ یا جۆرەیا نوو (كۆڤد-19) ژ بۆ راگهاندنا پەکەکێ داخویانی دا و راگھاند کو دەولەتێن جیھانی خوەستن ئەڤ ڤیرۆس بەربەلاڤ ببە.
ئەنداما کۆردیناسیۆنا کەژەکێ بەسێ ئەرزینجان ژ مەدیایا پهکهکێ رە ل دەربارێ ڤیرۆسا کۆرۆنایێ دە ئاخڤی و وەها دا خوەیاندن کو ب ئانالیزە کرنا روودانان، مرۆڤ وەها فام دکە کو ئیهتیمالەکە هەری زێدە هەیە پەرگالا هەگمۆنیک ب زانابوون ئەڤ ڤیرۆسە د جیهانێ دە بەلاڤ کربە.
بەسێ ئەرزنجان دا راگهاندن، ھەول تێن دایین کو «ب ھلبەراندنا نەخوەشیێن تێگەرۆکێن کوژەر مەیلێن دەمۆکراتیک، ئازادیخواز و ئەکۆلۆژیکێن د سەد سالا 21ان و موخالەفەتێ بشکینن و بقەدینن.«
بەسێ ئەرزینجان دبێژە: «دەرکەتنا ڤیرۆسا کۆرۆنایێ نە تەسادوفییە، بەلکو ھەر چەند نەخوەشیەکە کوژەرە د سەری دە ئامەریکا، ترکیە و گەلەک دەولەتێن ئەورۆپی ت تەدبیرەک ل ھەمبەر نە ستاندنە.«
ئەرزینجان دبێژە: «مەبەست ژ بەلاڤ کرنا ڤیرۆسا (کۆڤید-19) ئەڤە کو نفۆسا ئێختیارێن جیهانێ بێ هەدەف کرن، ژ بەر کو ئێختیار ئێدی نکارن کار بکن و ب وەرگرتنا مووچەیێ خانەنشین بوونێ، بوونە بارەکە گران ل سەر دەولەتێن خوە».
ئەنداما کوردیناسیۆنا کەژەکێ ھەر وھا راگهاند، دەولەتان خوەستن کو ئەڤ ڤیرۆس بەربەلاڤ ببە، د سەری دە ل گەل کو ھای ژ گرانبوونا رەوشێ ھەبوون ژی ت تەدبیر نەھاتن ستاندن، جڤاک ب تەمامی بێ پاراستن ھشتن، بەرەڤاژی ڤێ ئەڤ ڤیرۆس ژ ئالیێ دەولەتێن جیهانێ ڤە وەکە ئاموورا خلاسبوونا ژ موخالەفەتا جڤاکی، ژ موخالەفەتا کوچەیێ، ژ راپەرینان ھاتە دیتن.
ئەرزینجان د بەشەکە دن ئا ئاخافتنا خوە دە ژ بۆ مەدیایا پەکەکێ دبێژە: «دڤێ تەندروستیا خوە، ئەولەھییا خوە ب ھێڤییا دەولەتێ ڤە نەھێلن، دەولەت نادە ژین، دکوژە، دڤێ مرۆڤ ڤێ بزانبه، ئەگەر دەولەت ھن تشتان دکە ژی نە ژ بەر کو ل گەل دفکرە دکە، ژ بۆ مەشروعیەتا خوە، دەستھلاتا خوە قەییم بکە دکە، ژ بەر ڤێ دڤێ ئەم رێبازێن نوو یێن تهکۆشینێ ببینن، رێخستنیا ڤێ بکن.«