میتێ به‌رپرسه‌كێ په‌كه‌كێ ل سوید ده‌سته‌سه‌ر كر

میتێ به‌رپرسه‌كێ په‌كه‌كێ ل سوید ده‌سته‌سه‌ركر

به‌رپرسه‌كێ پارتییا كاركه‌رێن كوردستانێ په‌كه‌كێ ل ولاتێ سویدێ ب ناڤێ «ره‌سوول ئۆزده‌میر» هات ده‌سته‌سه‌ر كرن و میتێ ڤه‌گه‌رانده‌ تركیێ.

چاڤكانیێن ئه‌وله‌هیێ ل تركیێ ئه‌شكه‌ره‌ كرنه‌ كو ل داوییا حه‌فتییا رابووری، به‌رپرسیارێ په‌كه‌كێ ل سویدێ «ره‌سوول ئۆزده‌میر» ب كۆد ناڤێ «زیبۆ» هاته‌ ده‌سته‌سه‌ر كرن و ب ئالیكارییا ده‌وله‌تا سویدێ ل گه‌ل سازییا ئیسخباراتا تركیێ میتێ، ژ بۆ تركیێ هات ڤه‌گه‌راندن.

مه‌دیایا تركیێ وێنه‌یێن «زیبۆ» ل ژێر ئالایا ده‌وله‌تا داگیركار وه‌شاندنه‌ وه‌كه‌ دۆكیۆمه‌نت ل سه‌ر راستییا ده‌سته‌سه‌ر كرن و ڤه‌گه‌راندنا وی ژ بۆ تركیێ.

«زیبۆ» ب به‌رپرسیارێ ته‌ڤگه‌را جوانێن شۆرشگێر «YDG-H» تێ حه‌ساب كرن كو بالێ پارتییا كاركه‌رێن كوردستانێ په‌كه‌كێ یه‌ ل شرنه‌خێ یا باكورێ كوردستانێ، ل سالا 2014ێ ته‌ڤلی په‌كه‌كێ بوویه‌.