باشوورێ کوردستانێ ئامادەیە داھاتا نەفتێ تەسلیمێ بەخدایێ بکە

باشوورێ کوردستانێ ب شەرتا شاندنا بودجەی ئامادەیە ھەموو داھاتا نەفتێ تەسلیمێ بەخدایێ بکە

وەزیرێ پلانکرنێ یێ ھەرێما باشوورێ کوردستانێ، دارا رەشید گۆت: «ھەکە ھکوومەتا ناڤەندی یا ئیراقێ مووچەیێ کارمەندان و بەشە بودجەیا هەرێمێ بشینە، ئەو ژی ئامادەنە کو ھەموو داھاتا نەفتێ تەسلیمێ بەغدایێ بکن».

دارا رەشید کو ل مەجلسا هکوومەتا هەرێما کوردستانێ جڤینەکە چاپەمەنیێ ل دار خست، ل دەربارێ تەڤگەرا ھکوومەتا ناڤەندی یا ئیراقێ یا نەفت و بودجەیێ دا ئاخڤی و راگهاند كو ھکوومەتا ناڤەندی یا ئیراقی دبێژە ژ بەر کو هکوومەتا هەرێما کوردستانێ داھاتا نەفتا 250 ھەزار بەرمیلان ناشینە، ئەو ژی ژ بەر ڤێ مەھانەیا کارمەندان و بودجەیێ ناشینن.

وەزیرێ پلانکرنێ ئانی زمان كو ل سالا 2019ان دا، ب رایەدارێن ھکوومەتا ناڤەندی را ل دەربارێ نەفت و بودجەیێ دا ھنه‌ك ھەڤدیتن ھاتن کرن و گۆت: «مە ژ ئالیێ ئیراقێ را گۆت كو ھەکە ھەموو پارا ھەرێما کوردستانێ یا ژ شرکەتێن نەفتێ و بودجەیێ تێن بدەستخستن بێن شاندن، نە داھاتا رۆژانەیا 250 ھەزار بەرمیلێن نەفتێ، بەلکو ھەموو داھاتا نەفتێ ئەمێ تەسلیمێ وان بکن.”