فه‌رمانداره‌كا په‌كه‌كێ ب په‌نجه‌شێرێ مر

فه‌رمانداره‌كا په‌كه‌كێ ب په‌نجه‌شێرێ مر

فه‌رمانداره‌كا پارتییا كاركه‌رێن كوردستانێ، ب سه‌ده‌ما نه‌خوه‌شییا په‌نجه‌شێرێ، جانێ خوه‌ ووندا كر، پاش كو په‌كه‌كێ رێ پێ نه‌دای بچیته‌ نه‌خوه‌شخانه‌یێن باشوور ژ بۆ وه‌رگرتنا چاره‌سه‌ریێ.

چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره‌ كرن، «حه‌فیزه‌ ئۆزده‌میر» ب كۆد ناڤێ «زین ئاڤێستا» ب سه‌ده‌ما نه‌خوه‌ش كه‌تنا وێ ب په‌نجه‌شێرێ، جانێ خوه‌ ژ ده‌ست دا.

هه‌روه‌ها ده‌ست نیشان كرن، ل زڤستانا رابووری «زین ئاڤێستا» تووشی په‌نجه‌شێرێ ببوو، لێ به‌لێ رایه‌دارێن په‌كه‌كێ، رێ نه‌دانێ ئه‌و بچیت نه‌خوه‌شخانه‌یێن باشوورێ كوردستانێ چاره‌سه‌ریێ وه‌ربگریت، له‌وما جانێ خوه‌ ژ ده‌ست دا.

چاڤكانیێن «داركا مازی» ئه‌شكه‌ره‌ كرن، ل ڤێ داویێ زینێ ئاڤێستا ل رێیه‌كێ د گه‌رییا ژ بۆ كو بچیته‌ باشوورێ كوردستانێ و چاره‌سه‌ره‌یێ وه‌ربگریت، لێ به‌لێ ژ ئالیێ په‌كه‌كێ ڤه‌ رێ پێ نه‌هات دایین.

مه‌دیایا تركیێ ل ده‌ربارا مرنا «زین» راگهاندن كو ئه‌و د لیستا سۆر یا داخواز كریێن ده‌وله‌تێ ده‌ بوو.

«زین ئاڤێستا» ل سالا 1993ان ته‌ڤلی پارتییا كاركه‌رێن كوردستانێ ببوو، به‌رپرسیارا رێخستنا ژنان یا په‌كه‌كێ ل دێرسمێ بوو، تێ گۆتن كو ئه‌و یه‌ك ژ زێره‌ڤانێن رێبه‌رێ په‌كه‌كێ عه‌بدوللا ئۆجالان بوو.

«زین» سه‌ركێشییا ته‌ڤ چالاكیێن په‌كه‌كێ یێن سالا 2016ێ ل دێرسمێ كربوو.

بوویەرێن ب ڤی ئاوایی د ناڤا پەکەکێ دە ئەڤ جارا یەکەمین نینە چێدبن، بەلکو پێش نها چەندین جارێن دن چیبوونە، دبە دیارترین بوویەرا ب ڤی ئاوایی، بوویەرا سالا 1992ان بە دەما په‌كه‌كێ خیانه‌ته‌كە هەری مەزن ل كادروێن خوە کری، وه‌ختا د ڤێ سالی ده‌ په‌كه‌كێ شەر ب په‌ده‌كێ رە فرۆشتی، ل ناڤچەیا حەفتەنینێ 19 گەریلایێن پەکەکێ بریندار کەتن، په‌كه‌كه‌ ڤان برینداران دبەت و ل شکەفتەکێ ئاکنجی دکەت، پشتره‌ په‌ده‌كه‌  داخواز دکەت ڤان برینداران ل نەخوەشخانەیەکا هەولێرێ تەداوی بکە، لێ بەلێ جەمیل باییک بریار دا کو هەر 19 گەریلا بهێن كوشتن و گۆت: كوشتنا ڤان گەریلایان پر ب رۆمەت ترە ژ وێ یەکێ کو په‌ده‌كه‌ وان ده‌رمان بکە.