خۆپێشاندان ژ بۆ گه‌نجێ دهۆكێ یێ په‌كه‌كێ ره‌ڤاندی دێ هێته كرن
په‌كه‌كێ 95 رۆژه كوڕێ پێشمه‌رگه‌یه‌كێ باشوورێ كوردستانێ ره‌ڤاندییه
پارتییا كاركه‌رێن كوردستانێ، 95 رۆژه خۆرته‌كێ پارێزگه‌ها دهۆكێ ره‌ڤاندییه، مالباتا وی ب ژڤانه خوه‌پێشاندانه‌كێ ئه‌نجام بدن، ژ بۆ كو داخوازێ ژ حكوومه‌تا باشوور و سازیێن ناڤده‌وله‌تی بكن ل ره‌وش و چاره‌نڤیسا خۆرتێ وان خوه‌دی ده‌ركه‌ڤن.
پارتییا كاركه‌رێن كوردستانێ، 95 رۆژه خۆرته‌كێ پارێزگه‌ها دهۆكێ ره‌ڤاندییه، مالباتا وی ب ژڤانه خوه‌پێشاندانه‌كێ ئه‌نجام بدن، ژ بۆ كو داخوازێ ژ حكوومه‌تا باشوور و سازیێن ناڤده‌وله‌تی بكن ل ره‌وش و چاره‌نڤیسا خۆرتێ وان خوه‌دی ده‌ركه‌ڤن.
ل گۆر چاڤكانیێن پێگه‌ها «داركا مازی» ل باشوورێ كوردستانێ، ئه‌ڤ خۆرت ب ناڤێ «جوتیار محسن حسێنه»، پێتری 3 مه‌هانه په‌كه‌كێ ره‌ڤاندییه، مالباتا وی ب ژڤانه ل رۆژا سێشه‌می 2020/5/5ێ ل ده‌مژمێر 12 نیڤرۆژێ خوه‌پێشاندانه‌كێ ل ناڤچه‌یا «چه‌مانكێ» بكن، ژ بۆ كو فشارێ ل په‌كه‌كێ بكن كۆرێ وان سه‌ربه‌ست به‌رده‌ن.
هه‌روه‌ها دێ داخوازێ ژ حكوومه‌تا باشوور و سازیێن ناڤده‌وله‌تی بكن كو ل ره‌وش و چاره‌نڤیسا خۆرتێ وان خوه‌دی ده‌ركه‌ڤن.
تێ زانین كو «جۆتیار» كورێ مالباته‌ك ولاتپارێز ئا باشوورێ كوردستانێ یه، باڤێ وی پێشمه‌رگه‌یه.
«داركا مازی» د شۆپاندنا ڤێ بابه‌تێ ده زانیاریێن تایبه‌ت ب ده‌ست خستنه و ئه‌شكه‌ره بوو كو مالباتا جۆتیار ل 3 مه‌هێن ده‌رباس بوویی گه‌له‌ك هه‌ول دانه په‌یوه‌ندیێ ب په‌كه‌كێ بكن ژ بۆ ئه‌شكه‌ره كرنا چاره‌نڤیسا كۆرێ خوه، لێ به‌لێ په‌كه‌كێ ئه‌و هایدار كرنه كو له‌كۆلین ل گه‌ل ده هێژان ب داوی نه‌بوویه و مالباتا جۆتیار ده‌ست ڤالا ڤه‌گه‌راندنه.
پێگه‌ها «داركا مازی» 3 رۆژان پاش ده‌سته‌سه‌ر كرنا «جۆتیار» ژ ئالیێ په‌كه‌كێ ڤه، چیرۆكا وی وه‌شاندبوو و تێده هه‌موو هۆرگلیێن خاپاندنا «جۆتیار» ژ ئالیێ په‌كه‌كێ ڤه هاتبوونه زه‌لال كرن، ئه‌ڤ ژی لینكا وێ چیرۆكێ یه.
