بلا عاشقان ئاگه‌هـ ژ خۆ هه‌بیت
پارتییا كاركه‌رێن كوردستانێ چ رێ نه‌ماینه ژ بۆ خاپاندنا گه‌نجان ب كار نه‌ئینابن، دوماهی جار ژی رێكه‌كا پر قرێژ كو مرۆڤ ب چ ره‌نگه‌كی هزر لێ ناكه‌ت، ئه‌و رێك ژی عه‌شق و ئه‌ڤینی یه.
داركا مازی دێ سه‌رهاتییا بوویه‌ره‌كا راست ژ بۆ هه‌وه ڤه‌گوهێزیت كو ل حه‌فتییا بۆری رێككه‌فتی 29/1/2020ێ ل سنۆرێ پارێزگه‌ها دهۆكێ روودایه، ئه‌ڤ بوویه‌ر عه‌شقا گه‌نجه‌كێ ده‌ڤه‌را به‌رواری یا ڤه‌دگوهێزیت كانێ په‌كه‌كێ چاوا ئه‌و كرییه ئارمانج پشتی هه‌ڤالا وی وه‌ك ته‌لهه‌ك ب كار ئینای.
ل ئێڤارییا رۆژا چارشه‌مبا بۆری 29 كانوونا دوێ یا 2020ێ، گه‌نجه‌كێ 29 سالی یێ گوندێ سیارێ ل ده‌ڤه‌را به‌رواری ژێری ب ناڤێ ((م،ح)) وی دخواست ل ئێڤارا وێ رۆژێ دگه‌ل هه‌ڤالا خوه ب ده‌ركه‌ڤیت و بریار دان بچنه نێزیكی گوندێ بێبادێ ل سنۆرێ ناحیا چه‌مانكێ.
وی گه‌نجی و هه‌ڤالا خوه ته‌كسیه‌ك گرت و به‌ر ب گوندێ بێبادێ ب رێ كه‌تن و ژ به‌ری گه‌هشتنێ، ترومبێلا وان ژ لایێ مه‌فره‌زه‌یه‌كا په‌كه‌كێ ڤه هاته راوه‌ستاندن.
گه‌ریلایێن په‌كه‌كێ كو ل وێ مه‌فره‌زێ بوون، پشتی چه‌ندین پرسیاران ده‌مانجه لێ كێشاینه و هێرش كرنه وی گه‌نجی و گه‌له‌ك ئێشاند، هه‌روه‌ها شۆفێرێ ته‌كسیێ ژی ب هه‌مان ره‌نگی هێرش كره سه‌ر.
پاش بۆرینا ده‌مه‌كێ كێم، وێ مه‌فره‌زا په‌كه‌كێ تایرێن ترومبێلێ په‌نچه‌ر كرن و ئه‌و گه‌نجه دگه‌ل خۆ برن.
مالباتا وی گه‌نجێ كو په‌كه‌كێ ره‌ڤاندییه دیار كرییه كو هه‌گه‌ر په‌كه‌كه كۆڕێ وان نه‌ڤه‌گه‌رینیت، ئه‌و دێ تۆلا خوه ڤه‌كه‌ن.
ل گۆر زانیاریێن تایبه‌ت یێن پێگه‌ها داركا مازی كو ژ باشوورێ كوردستانێ ژ بۆ مه هاتینه هنارتن، ئاشكرا بوویه كو په‌كه‌كێ ب تنێ گه‌نج ره‌ڤاندییه!!
پارتییا كاركه‌رێن كوردستانێ هه‌موو رێك ژ بۆ خاپاندنا گه‌نجان بكارئیناینه، ئه‌ڤ جاره ژی ئالاڤه‌كێ دی یێ قرێژی ل فه‌رهه‌نگا خوه زێده‌كر، په‌كه‌كه دخوازیت كانێ چاوا عه‌شق و ئه‌ڤینی ل ناڤا گه‌ریلایان دا حه‌رام كرییه وه‌ها ژی ل ناڤا گه‌نجێن كوردان حه‌رام بكه‌ت.
